قىزىلوردا وبلىسىنىڭ اكىمى نۇرلىبەك نالىبايەۆ قىزىلوردا قالاسىنداعى قۇرىلىس نىساندارىن ارالاپ شىقتى،- دەپ حابارلايدى Dalanews.kz
وبلىس اكىمى الدىمەن «Bi Global» سەرىكتەستىگى قولعا العان، عيماراتىنىڭ اۋماعى 3820،43 شارشى مەتر شىعارماشىلىق-يننوۆاسيالىق ورتالىققا باردى. ورتالىق قولدانىسقا بەرىلگەننەن كەيىن بالالارعا سپورتتىق-ساۋىقتىرۋ، كوركەم-ەستەتيكالىق، عىلىمي-تەحنيكالىق، تاريحي-ولكەتانۋ باعىتتا قىزمەت كورسەتەدى. ۆولەيبول، باسكەتبول، فۋتبول، ۆوركاۋت الاڭدارىندا، سوڭعى ۇلگىدەگى باسسەيندە جاتتىعۋ مۇمكىندىگى جاسالادى. سونداي-اق، مۇندا وقۋشىلاردىڭ ءبىلىمىن جەتىلدىرىپ، عىلىمي جۇمىستارمەن اينالىسا الادى. ءقازىر بولاشاقتاعى ساۋلەتتى عيماراتتىڭ بوي تىكتەگەنىن، ورتالىقتى مەجەلى مەرزىمدە تابىستاۋ ءۇشىن جۇمىس قارقىنى جىلدامداعانىن بايقاۋعا بولادى.
ءارى قاراي ايماق باسشىسى 2023 جىلى يندۋستريالاندىرۋ كارتاسىنا ەنگىزىلگەن نان-توقاش، كونديتەرلىك جانە ماكارون ونىمدەرىن ءوندىرۋ كەشەنىنىڭ قۇرىلىسىمەن تانىستى. جوبا باستاماشىسى «قىزىلوردا نان» سەرىكتەستىگى 3،8 ملرد تەڭگەگە اۋماعى 6166 شارشى مەتر نىسان سالۋدا. كونديتەرلىك سەحتا جىلىنا 2520 توننا كونديتەرلىك ءونىم دايىندالادى. ال، ماكاروننىڭ 15-تەن استام تۇرىنەن 1152 توننا ءونىم شىعارۋ جوسپارلانعان.
نۇرلىبەك ماشبەك ۇلى قالالىق مادەني جانە دەمالىس پاركىن قايتا جاڭعىرتۋ جۇمىستارىن دا كوردى. جالپى اۋماعى 6 گەكتار پارككە عيماراتتار مەن اتتراكسيوندار، بەتوندى سكەيتپارك سالىنباق. بۇگىندە «Bi Global» سەرىكتەستىگى كەڭ كولەمدى اباتتاندىرۋ جۇمىستارىن جۇرگىزۋدە. دەمونتاج جۇمىستارى تولىق اياقتالىپ، سۋبۇرقاقتاردىڭ ورنى دايىندالۋدا. قايتا جاڭعىرتۋدى پاركتىڭ اشىلۋ ماۋسىمىنا، ياعني مامىر ايىنا دەيىن پايدالانۋعا بەرۋ جوسپارلانعان.
سونىمەن قاتار، ايماق باسشىسى كىرپىش زاۋىتىنىڭ قۇرىلىس الاڭىنا باردى. «قىزىلوردا ساز م» ءجشس-نىڭ كىرپىش زاۋىتىن ورنالاستىرۋعا وڭىرلىك ۇيلەستىرۋ كەڭەسىنىڭ شەشىمىمەن 7 گەكتار جەر تەلىمى بەرىلگەن. ىسكە قوسىلعان سوڭ مۇندا جىلىنا 90 ملن دانا كىرپىش شىعارىلادى. زاۋىتتىڭ ىرگەتاسى تولىق قۇيىلىپ، مەتالل كونسترۋكسيالارىنىڭ 60%-ى ورناتىلعان. مۇندا 50 جۇمىسشى ەڭبەك ەتەدى. 11 تەحنيكا قويىلعان. قاجەتتى قوندىرعىلار قىتايدان جەتكىزىلدى. اينالمالى پەش، شيكىزات دايىندايتىن قوندىرعى، ەكسترۋدەر، كىرپىش كەسىپ ونى جينايتىن قۇرىلعىلار مونتاجدالۋدا. جانىنا اكىمشىلىك-تۇرمىستىق عيمارات تا سالىنادى. بۇل كىرپىش زاۋىتىنىڭ ارتىقشىلىعى – ءوندىرىس تولىعىمەن اۆتوماتتاندىرىلعان.
وبلىس اكىمى شىنى زاۋىتىنىڭ جۇمىس بارىسىن كورىپ، ودان ءارى جاڭا ستاديون، فيزيكا-ماتەماتيكا مەكتەپ-ينتەرناتى جانە وبلىستىق تاريحي-مادەني مۇرا ورتالىعى، مۋزىكالىق كوللەدجدىڭ جاڭا عيماراتىنىڭ دا قۇرىلىسىنا ايالدادى. مەردىگەر مەكەمەلەرگە نىسانداردىڭ ساپالى سالىنۋى، ۋاقىتىلى پايدالانۋعا بەرىلۋى ماڭىزدى ەكەنىن ەسكەرتتى.
قۇرىلىس نىساندارىن ارالاپ شىققان ايماق باسشىسى بۇل جوبالاردىڭ جەرگىلىكتى ينفراقۇرىلىمدى دامىتۋداعى ماڭىزدىلىعىن اتاپ ءوتتى.
