Júzdesýde «Nurly jer» memlekettik turǵyn úı baǵdarlamasynyń baǵyttarynyń biri – kredıttik turǵyn úı qurylysyn damytý máseleleri qaralyp, qoljetimdi baspana máselesin sheshý jaǵdaılary sóz boldy.
Atalǵan banktiń óńirimizdegi jetekshisi saladaǵy atqarylǵan birqatar jumystardyń barysyn baıandap, aldaǵy josparlarymen bólisti. Atap aıtqanda, búgingi tańda «Turǵyn úı qurylys jınaq banki» AQ-nyń Ońtústik fılıaly «Baspana» mekemesimen qol qoıý sharalaryn júrgizýde. 2018 jyldyń 1 jeltoqsannan bastap bank ujymy Elbasy bekitken "7-20-25" baǵdarlamasy boıynsha tıisti jumystardy iske asyra bastaıdy.
Sonymen birge, basqosýda Q.Seıtmambetov ákimge oblys turǵyndary úshin óte tıimdi de, yńǵaıly bolatyn usynysyn jetkizdi. Alǵashqy salymsyz-aq, baspanaly bolýǵa bolatyn jobada qarapaıym halyqtyń jaǵdaıy eskerilgen. Munan bólek, ákimdik tarapynan turǵyn úı qurylys jınaq júıesi boıynsha túsindirý jumystaryn júrgizýde qoldaý kórsetýdi surady.
Osynaý usynys, tilekterge qanyqqan aımaq basshysy, eń bastysy, baspanalardyń qoljetimdi bolýy qajettigin aıtyp, «7-20-25» baǵdarlamasyn óńirimizde myqtap qolǵa alý úshin túsindirme jumystaryn keńinen júrgizýdi tıisti basqarma basshylaryna tapsyrdy.
Osy jyly «7-20-25» baǵdarlamasyn oblysta iske asyrý maqsatynda, Túrkistan qalasynda jeke salýshy jáne «Túrkistan» ÁKK» AQ-y arqyly 6 kópqabatty turǵyn úıdiń (288 páter, 15,6 myń sh.m.) qurylysy bastalǵan bolatyn. Bul páterlerdi 2019 jyly paıdalanýǵa tapsyrý josparlanyp, barlyq úılerdi «7-20-25» baǵdarlama arqyly taratý kózdelýde.
«7-20-25» baǵdarlamasy arqyly salynǵan turǵyn úılerdi taratý Túrkistan oblysynyń energetıka, turǵyn úı-kommýnaldyq sharýashylyq basqarmasy arqyly júrgiziledi.
Sonymen qatar, «Turǵyn úı qurylys jınaq banki» AQ-y basshylyǵynyń málimetine sáıkes 2019 jyly Túrkistan oblysynyń ortalyǵy – Túrkistan qalasynan banktiń oblystyq fılıaly ashylatyn bolady.
Túrkistan oblysy ákiminiń baspasóz qyzmeti
