Qazaqstannyń burynǵy prezidentiniń inisi Bolat Nazarbaevtyń uly Nurbol Nazarbaev ózin bankrot dep taný týraly sotqa qaita júgindi. Ol memleketke keminde 63 milliard teńge qaryz, dep habarlaidy Dalanews.kz.
Nurbol Nazarbaev sotqa aryz berip, ózin bankrot dep tanýdy suraǵan.
17 aqpanda sot onyń ótinishin qabyldap, «sottyq bankrottyq rásimin qoldaný týraly» azamattyq is qozǵady.
Isti sot talqylaýyna daiyndaý aiasynda Nurbol Nazarbaev 2026 jylǵy 3 naýryzda saǵat 15:10-da «áńgimelesýge» shaqyrylǵan. Iske úshinshi tarap retinde Almaty oblysy boiynsha memlekettik kirister departamenti tartyldy.
Nurbol Nazarbaevtyń atqarýshylyq óndirister boiynsha keminde eki qaryzy bar. Birinshisi - 61 854 480 596 teńge. Onyń ishinde 55 milliard teńge memleket kirisine, arnaiy qorǵa aýdarylýy tiis.
Ekinshi qaryzy - 1,6 milliard teńge kólemindegi memlekettik baj, ol da memleket kirisine tólenýi qajet.
Jalpy alǵanda, Nurbol Nazarbaevtyń qaryzy 63,7 milliard teńgege jetedi.
