قازاقستاننىڭ بۇرىنعى پرەزيدەنتٸنٸڭ ٸنٸسٸ بولات نازارباەۆتىڭ ۇلى نۇربول نازارباەۆ ٶزٸن بانكروت دەپ تانۋ تۋرالى سوتقا قايتا جٷگٸندٸ. ول مەملەكەتكە كەمٸندە 63 ميلليارد تەڭگە قارىز, دەپ حابارلايدى Dalanews.kz.
نۇربول نازارباەۆ سوتقا ارىز بەرٸپ, ٶزٸن بانكروت دەپ تانۋدى سۇراعان.
17 اقپاندا سوت ونىڭ ٶتٸنٸشٸن قابىلداپ, «سوتتىق بانكروتتىق رەسٸمٸن قولدانۋ تۋرالى» ازاماتتىق ٸس قوزعادى.
ٸستٸ سوت تالقىلاۋىنا دايىنداۋ اياسىندا نۇربول نازارباەۆ 2026 جىلعى 3 ناۋرىزدا ساعات 15:10-دا «ەڭگٸمەلەسۋگە» شاقىرىلعان. ٸسكە ٷشٸنشٸ تاراپ رەتٸندە الماتى وبلىسى بويىنشا مەملەكەتتٸك كٸرٸستەر دەپارتامەنتٸ تارتىلدى.
نۇربول نازارباەۆتىڭ اتقارۋشىلىق ٶندٸرٸستەر بويىنشا كەمٸندە ەكٸ قارىزى بار. بٸرٸنشٸسٸ - 61 854 480 596 تەڭگە. ونىڭ ٸشٸندە 55 ميلليارد تەڭگە مەملەكەت كٸرٸسٸنە, ارنايى قورعا اۋدارىلۋى تيٸس.
ەكٸنشٸ قارىزى - 1,6 ميلليارد تەڭگە كٶلەمٸندەگٸ مەملەكەتتٸك باج, ول دا مەملەكەت كٸرٸسٸنە تٶلەنۋٸ قاجەت.
جالپى العاندا, نۇربول نازارباەۆتىڭ قارىزى 63,7 ميلليارد تەڭگەگە جەتەدٸ.
