Marqum Bolat Nazarbaevtyń uly Nurbol Nazarbaev resmi túrde bankrot dep tanyldy, dep habarlaidy Dalanews.kz.
Onyń 57 milliard teńge kólemindegi aktivteri tárkilenip, esepshottary men jyljymaityn múligine tyiym salyndy. Buryn Forbes.kz tiziminde bolǵan kásipkerdiń atyna áli de birneshe kompaniia men jer telimderi tirkelgen. Endi ol bes jyl boiy nesie rásimdei almaidy jáne jeke kásipker retinde tirkelý quqyǵynan aiyrylady.
Negizgi kompaniialar men salyq bereshegi
Shishkin_like arnasynyń málimetinshe, Nurbol Nazarbaevtyń negizgi kompaniiasy — «Prime Cap» JShS (burynǵy ataýy «Prime Capital Holding»). Sońǵy eki jylda kompaniia salyq tólemegen, jalpy qaryzy – 37,5 million teńge. Adata.kz dereginshe, kásiporyn taratý satysynda jáne óz atyna tirkelgen aktivteri joq. Onyń 15 enshiles kompaniiasy sońǵy 12 aida 28,8 million teńge salyq tólegen.
«Prime Capital Real Estate» JShS jyljymaityn múlikti jalǵa berý jáne basqarý qyzmetimen ainalysady. 2016 jyldan beri 209,4 million teńge salyq tólegen. Kompaniianyń Almaty oblysynda úsh jer telimi jáne 22 nysany bar. Jerler aýyl sharýashylyǵy jáne sporttyq-saýyqtyrý maqsatynda paidalanylǵan.
«Prime Capital Re Plaza» JShS de jyljymaityn múlik salasynda jumys isteidi. 2015 jyldan beri shamamen 290 million teńge salyq tólegen. Kompaniianyń Almatyda eki jer ýchaskesi bar, olardyń biri biznes-ortalyq pen qonaqúi keshenine arnalǵan.
Bolat Nazarbaevpen bailanysy bar kompaniialar
«Bahar-A» JShS – Qarasai aýdany, Almalybaq aýylynda ornalasqan úsh qabatty toihana. 2015 jyldan beri 44,4 million teńge salyq tólegen. Kompaniia 2013 jyly Bolat Nazarbaev pen kásipker Ázim Abdýllaevtyń atyna tirkelgen. Qazir Abdýllaev teń iesi bolyp qala beredi. 2022 jyly ol Bolat Nazarbaevty Almaty Steklo zaýytynyń 50 paiyz úlesin reiderlik jolmen tartyp aldy dep aiyptaǵan.
Nurbol Nazarbaevtyń negizgi jer aktivteri Prime Cap kompaniiasynyń enshiles uiymdary – Prime Capital Re Ushkonyr, Prime Capital Re Alakol, Prime Capital Re Talgar jáne Prime Capital Re Karasay arqyly shoǵyrlanǵan.
Úshqonyr men Talǵardaǵy jerler
Kadastr derekteri boiynsha Prime Capital Re Ushkonyr Shamalǵan aýylynda 2,36 gektar jer telimine ielik etedi. Onda buryn sharap-araq zaýyty ornalasqan. Zaýyttyń jyljymaityn múlki Prime Capital Re Talgar atyna tirkelgen. Bul kásiporyn bir kezderi «Talǵar sharap zaýyty» atalǵan jáne 2004–2016 jyldary Bolat Nazarbaevqa tiesili bolǵan.
Zaýytqa irgeles 1,55 gektar jer bar, ol et-sút jáne jemis-konservi tsehtaryn salýǵa arnalǵan. Memlekettik kadastrda iesi kórsetilmegenimen, Adata.kz deregine sai, bul jer Prime Capital Re Ushkonyr kompaniiasyna tiesili, demek ol da Nurbol Nazarbaevqa qatysy bar.
2022 jyly Azattyq radiosy habarlaǵandai, Nazarbaevtar áýletine Úshqonyr jazyǵynda keminde 9 myń gektar jer tiesili bolǵan. Bul jerlerdiń bir bóligi Breeding company, QazAgro Centre jáne Steppe AgroMeat arqyly tirkelgen.
Qaitarylǵan aktivter men qazirgi jaǵdai
2025 jyly bul jerlerdiń birazy Qaitarylǵan aktivterdi basqarý kompaniiasynyń balansyna ótti. Alaida Úshqonyrda Nazarbaevtardyń atyna tirkelgen birneshe jer telimi áli de bar.
Adata.kz deregi boiynsha, QazAgro Centre men Steppe AgroMeat aýyl sharýashylyǵy jáne jeke qosalqy sharýashylyqqa arnalǵan alty jer telimine ielik etedi. Úshqonyr mańynda Steppe AgroMeat kompaniiasyna tiesili 1,4 jáne 2,2 gektar jer bar. Qasynda 6,2 gektar aýmaq ornalasqan, ol jeke turǵyn úi qurylysyna arnalǵan jáne Nurali Áliev pen Nursultan Nazarbaevqa qatysy bar kompaniianyń menshiginde.
Sonymen qatar shamamen 100 gektar jer Prime Capital Re Karasay atyna tirkelgen. Nurbol Nazarbaevtyń ieliginde budan da kóp jer bolýy múmkin, biraq olardyń kóbi kadastrda ashyq kórsetilmegen.
Qus fabrikasy men zaýyttaǵy úlester
Nurbol Nazarbaevqa tiesili Prime Capital Invest 2020 jyldan beri 5,5 mln teńge salyq tólegen. Onyń enshiles kásiporny – Ile aýdanyndaǵy Qaz-Ak-Kus qus fabrikasy. 2016 jyldan beri 362,8 mln teńge salyq tólegen, biraq sońǵy jyldary tólem azaiǵan. Qazir qaryzy – shamamen 135 mln teńge. Kompaniianyń menshiginde 31 gektar jáne oǵan irgeles 114,8 gektar jer bar.
Buǵan qosa, Nurbol Nazarbaev PLS-TM jáne PLS investitsiialyq-qurylys kompaniialary arqyly Almaty aýyr mashina jasaý zaýytynyń (AZTM) úlesine ie. 2024 jylǵy derekke sai, zaýyttyń 54,67 paiyzy Nurbol Nazarbaev pen Edgar Saldýzige tiesili. Kásiporyn ótken jyly 1,3 mlrd teńge paida tapqan.
Reiderlik aiyptaýlar men tekserýler
2025 jyldyń maýsymynda Nurbol Nazarbaev BNC Plaza biznes ortalyǵyn basqaratyn Prime Capital Plaza BC kompaniiasynan shyqqan.
Buryn ol birneshe ret reiderlik aiyptaýlarmen de atalǵan. 2024 jyly kásipker Qýat Ermentaev óz úlesin tartyp aldy dep aiyptady. Al jýyrda Májilis depýtaty Ermurat Bapi Nurbol Nazarbaevtyń Janaturmys aýylyndaǵy 9 myń gektar jerdi iemdenip alǵanyn aityp, Bas prokýratýradan tergeý júrgizýdi talap etti. Sondai-aq depýtattar «Altyn Orda» bazaryna qatysty da tekseris júrgizýdi surady. Bul nysan buryn Bolat pen Nurbol Nazarbaevtardyń biznes múddelerimen bailanysty bolǵan.
