Shymkentte pyshaq jaraqatynan kóz jumǵan Nurai Serikbaidyń otbasy kúdiktiden moraldyq shyǵyn retinde 10 mlrd teńge óndirip berýdi surady. Marqumnyń aǵasy Sultan mundai talaptyń qoiylý sebebin túsindirdi, dep habarlaidy dalanews.kz.
Onyń aitýynsha, bul máselege zańdyq jáne moraldyq turǵydan qaraý qajet.
«Zań turǵysynan alǵanda, kúdikti bul shyǵyndy ótemeiinshe merziminen buryn bosap shyǵý nemese jazasyn jeńildetýge múmkindik beretin tetikterdi paidalana almaidy. Biz úshin onyń ómir boiy osy mindettemeni arqalap júrýi mańyzdy. Árine, naqty qandai somany bekitetinin sot sheshedi», – dedi Sultan.
Ol jábirlenýshi taraptyń talap etiletin ótemaqy kólemin óz betinshe anyqtaýǵa quqyǵy bar ekenin atap ótti.
«Sondyqtan biz ádil dep sanaǵan somany kórsettik. Al moraldyq jaǵynan alsaq, dúniedegi barlyq aqshany jinaǵannyń ózinde Nuraidyń ornyn toltyrý múmkin emes. Biz úshin adam ómiriniń quny aqshaǵa shaqtalmaidy. Eger biz Nuraisyz ómir súrý synaǵyn ótkerip jatsaq, sottalýshy tarap ta óz jaýapkershiliginiń salmaǵyn sezinýi kerek», – dedi ol.
Sultannyń sózinshe, eger moraldyq shyǵyn ótelse, alynǵan qarajat qaiyrymdylyq maqsattarǵa baǵyttalady. Atap aitqanda, stalkingten zardap shekken qyzdarǵa qoldaý kórsetýge jáne kómekke muqtaj azamattarǵa jumsalmaq.
