شىمكەنتتە پىشاق جاراقاتىنان كٶز جۇمعان نۇراي سەرٸكبايدىڭ وتباسى كٷدٸكتٸدەن مورالدىق شىعىن رەتٸندە 10 ملرد تەڭگە ٶندٸرٸپ بەرۋدٸ سۇرادى. مارقۇمنىڭ اعاسى سۇلتان مۇنداي تالاپتىڭ قويىلۋ سەبەبٸن تٷسٸندٸردٸ, دەپ حابارلايدى dalanews.kz.
ونىڭ ايتۋىنشا, بۇل مەسەلەگە زاڭدىق جەنە مورالدىق تۇرعىدان قاراۋ قاجەت.
«زاڭ تۇرعىسىنان العاندا, كٷدٸكتٸ بۇل شىعىندى ٶتەمەيٸنشە مەرزٸمٸنەن بۇرىن بوساپ شىعۋ نەمەسە جازاسىن جەڭٸلدەتۋگە مٷمكٸندٸك بەرەتٸن تەتٸكتەردٸ پايدالانا المايدى. بٸز ٷشٸن ونىڭ ٶمٸر بويى وسى مٸندەتتەمەنٸ ارقالاپ جٷرۋٸ ماڭىزدى. ەرينە, ناقتى قانداي سومانى بەكٸتەتٸنٸن سوت شەشەدٸ», – دەدٸ سۇلتان.
ول جەبٸرلەنۋشٸ تاراپتىڭ تالاپ ەتٸلەتٸن ٶتەماقى كٶلەمٸن ٶز بەتٸنشە انىقتاۋعا قۇقىعى بار ەكەنٸن اتاپ ٶتتٸ.
«سوندىقتان بٸز ەدٸل دەپ ساناعان سومانى كٶرسەتتٸك. ال مورالدىق جاعىنان الساق, دٷنيەدەگٸ بارلىق اقشانى جيناعاننىڭ ٶزٸندە نۇرايدىڭ ورنىن تولتىرۋ مٷمكٸن ەمەس. بٸز ٷشٸن ادام ٶمٸرٸنٸڭ قۇنى اقشاعا شاقتالمايدى. ەگەر بٸز نۇرايسىز ٶمٸر سٷرۋ سىناعىن ٶتكەرٸپ جاتساق, سوتتالۋشى تاراپ تا ٶز جاۋاپكەرشٸلٸگٸنٸڭ سالماعىن سەزٸنۋٸ كەرەك», – دەدٸ ول.
سۇلتاننىڭ سٶزٸنشە, ەگەر مورالدىق شىعىن ٶتەلسە, الىنعان قاراجات قايىرىمدىلىق ماقساتتارعا باعىتتالادى. اتاپ ايتقاندا, ستالكينگتەن زارداپ شەككەن قىزدارعا قولداۋ كٶرسەتۋگە جەنە كٶمەككە مۇقتاج ازاماتتارعا جۇمسالماق.
