Nur-Sultanda úleskerler máselesi oń sheshimin taýyp keledi
Búginde elimizde úleskerler máselesin ózekti ekeni belgili. Bar jiǵan-tergenin úlesti qurylysqa salyp baspanaly bolýǵa umtylǵan halyqqa Úkimet pen jergilikti bilik oryndary qol ushyn sozyp, máseleniń oń baǵytta sheshilýi úshin kúsh salýda. Óz kezegende Altai Kólginov bul baǵytta Nur-Sultan qalasynda qandai jumystar iske asyp jatqanyn jan-jaqty áńgimelep berdi.
– Nur-Sultan qalasynda úleskerlerdiń qarjysyna salynyp jatqan 51 nysan bar. Olardyń máselesi biraz ýaqyttan beri sheshilmei kelegen edi. Prezidentimiz bul máseleniń sheshimin tabý úshin 40 mlrd teńge qarajat bólýdi tapsyrǵan-dy. Sonyń 20 mlrd teńgesi biyl bólindi. Úleskerlerdiń máselesi Memleket basshysy Qasym-Jomart Kemelulynyń baqylaýynda. Sondyqtan bizdiń aldymyzda úlken mindet tur. Osy máseleler aldaǵy ýaqytta oń sheshimin tabýy úshin jumys istei bolamiz, – dedi elorda ákimi.
Áńgime barysynda Altai Kólginov eki aidyń ishinde barlyq 51 nysandy aralap shyǵyp, úleskermen kezdeskenin alǵa tartty. Ákimniń aitýynsha, qaladaǵy úleskerlerdiń sany 14 myńnyń ústinde eken. Osylaisha jyldar boiy sheshilmei kele jatqan máselege biyl qozǵaý salynypty.
– Biz úleskerlermen kezdeskende máseleni óte ózekti ekenine kóz jetkizdik. Birqatar nysandardy jobalyq-smetalyq qujattary bolmaǵan. Biraz úidiń qurylysy bastalyp, keiinnen toqtap qalǵany jasyryn emes. Kei jerde úidiń kotlavany qazylǵan kúiinde qalypty. Bul máselelerdi sheshý úshin injenerlik jelilerge qatysty jobalardy qaita qarap, jer telimderin rásimdeý kerek. Sonymen birge úleskerlerdiń ózderiniń kelisimsharttary da qajet. Osyndai birqatar problemalyq máselelerdi anyqtap, jumys istep jatyrmyz. Eń bastysy, memleket úleskerlerge barynsha qoldaý kórsetip otyr, – dedi qala basshysy.
Óz kezeginde ákim bul iske investorlardy tartyp, tartymdy jobalardy olarǵa berip jatqanyn alǵa tartty. Ákim búginde «Elorda qurylys» kompaniiasy qurylyp, úleskerlerdiń máselesimen túbegeili ailanysyp jatqanyn jetkizdi.
