بۇگىندە ەلىمىزدە ۇلەسكەرلەر ماسەلەسىن وزەكتى ەكەنى بەلگىلى. بار جيعان-تەرگەنىن ۇلەستى قۇرىلىسقا سالىپ باسپانالى بولۋعا ۇمتىلعان حالىققا ۇكىمەت پەن جەرگىلىكتى بيلىك ورىندارى قول ۇشىن سوزىپ، ماسەلەنىڭ وڭ باعىتتا شەشىلۋى ءۇشىن كۇش سالۋدا. ءوز كەزەگەندە التاي كولگىنوۆ بۇل باعىتتا نۇر-سۇلتان قالاسىندا قانداي جۇمىستار ىسكە اسىپ جاتقانىن جان-جاقتى اڭگىمەلەپ بەردى.
– نۇر-سۇلتان قالاسىندا ۇلەسكەرلەردىڭ قارجىسىنا سالىنىپ جاتقان 51 نىسان بار. ولاردىڭ ماسەلەسى ءبىراز ۋاقىتتان بەرى شەشىلمەي كەلەگەن ەدى. پرەزيدەنتىمىز بۇل ماسەلەنىڭ شەشىمىن تابۋ ءۇشىن 40 ملرد تەڭگە قاراجات ءبولۋدى تاپسىرعان-دى. سونىڭ 20 ملرد تەڭگەسى بيىل ءبولىندى. ۇلەسكەرلەردىڭ ماسەلەسى مەملەكەت باسشىسى قاسىم-جومارت كەمەل ۇلىنىڭ باقىلاۋىندا. سوندىقتان ءبىزدىڭ الدىمىزدا ۇلكەن مىندەت تۇر. وسى ماسەلەلەر الداعى ۋاقىتتا وڭ شەشىمىن تابۋى ءۇشىن جۇمىس ىستەي ءبولامىز، – دەدى ەلوردا اكىمى.
اڭگىمە بارىسىندا التاي كولگىنوۆ ەكى ايدىڭ ىشىندە بارلىق 51 نىساندى ارالاپ شىعىپ، ۇلەسكەرمەن كەزدەسكەنىن العا تارتتى. اكىمنىڭ ايتۋىنشا، قالاداعى ۇلەسكەرلەردىڭ سانى 14 مىڭنىڭ ۇستىندە ەكەن. وسىلايشا جىلدار بويى شەشىلمەي كەلە جاتقان ماسەلەگە بيىل قوزعاۋ سالىنىپتى.
– ءبىز ۇلەسكەرلەرمەن كەزدەسكەندە ماسەلەنى وتە وزەكتى ەكەنىنە كوز جەتكىزدىك. ءبىرقاتار نىسانداردى جوبالىق-سمەتالىق قۇجاتتارى بولماعان. ءبىراز ءۇيدىڭ قۇرىلىسى باستالىپ، كەيىننەن توقتاپ قالعانى جاسىرىن ەمەس. كەي جەردە ءۇيدىڭ كوتلاۆانى قازىلعان كۇيىندە قالىپتى. بۇل ماسەلەلەردى شەشۋ ءۇشىن ينجەنەرلىك جەلىلەرگە قاتىستى جوبالاردى قايتا قاراپ، جەر تەلىمدەرىن راسىمدەۋ كەرەك. سونىمەن بىرگە ۇلەسكەرلەردىڭ وزدەرىنىڭ كەلىسىمشارتتارى دا قاجەت. وسىنداي ءبىرقاتار پروبلەمالىق ماسەلەلەردى انىقتاپ، جۇمىس ىستەپ جاتىرمىز. ەڭ باستىسى، مەملەكەت ۇلەسكەرلەرگە بارىنشا قولداۋ كورسەتىپ وتىر، – دەدى قالا باسشىسى.
ءوز كەزەگىندە اكىم بۇل ىسكە ينۆەستورلاردى تارتىپ، تارتىمدى جوبالاردى ولارعا بەرىپ جاتقانىن العا تارتتى. اكىم بۇگىندە «ەلوردا قۇرىلىس» كومپانياسى قۇرىلىپ، ۇلەسكەرلەردىڭ ماسەلەسىمەن تۇبەگەيلى ايلانىسىپ جاتقانىن جەتكىزدى.
