Oqý kýrstary 18 mamandyq boiynsha qaladaǵy 11 oqý ornynda ótedi. Biylǵy josparǵa sáikes, 913 azamatty oqytý kózdelgen. Osy ýaqytqa deiin olardyń 742-i qamtylyp, onyń 346-sy oqýyn aiaqtap, 129-y jumysqa ornalasqany málim boldy.
Josparǵa engizilgen túzetýge sáikes, Eńbek jáne halyqty áleýmettik qorǵaý ministrligi oqytý kýrsyna taǵy 450 adamdy qosý kózdelip otyr. Bul turǵyda vedomstvoaralyq komissiianyń sheshimine sáikes, baǵdarlama qatysýshylaryna 220 adam engizildi. Olar endi 21-22 qazanda oqýǵa kirisedi.
Sondai-aq, Nur-Sultan qalasy kásipkerler palatasynyń málimetine sáikes, «Atameken qoldaý ortalyǵy» mobildi jumyspen qamtý ortalyqtarynda1400 azamat keńes alyp, olardyń 350-i Jumyspen qamtý ortalyǵyna júgingen.
Aita keteiik, «Atameken qoldaý ortalyǵy» mobildi jumyspen qamtý ortalyqtary adam kóp jinalatyn jerlerde, bazarlar men vokzaldar janynda, qozǵalysy kóp kóshelerde, halyq kóp shoǵyrlanǵan aýdandarda ornalasqan.
Mobildi jumyspen qamtý ortalyqtary azamattardyń ótinish berý múmkindigin jeńildetýge jáne jumysqa ornalasqan adamdardyń sanyn arttyrýǵa múmkindik berdi.
Búgingi kúni elordada 8 mobildi jumyspen qamtý ortalyǵy jumys isteidi. Olar – temirjol vokzalynyń janynda, «Tulpar» saýda ortalyǵy, «Vstrecha» saýda ortalyǵy, «Sapar», «Uljan», «Etalon» bazarynda, Promyshlennyi kentinde jáne «Aziia park» SOO janynda ornalasqan.
