– «GLB» úi qurylysy kombinatynyń qýaty jylyna 450 myń m2 turǵyn úige deiin ulǵaidy. Bul úi qurylysy kombinatynyń artyqshylyǵy – sapasyna ziian kelmesten qurylys ýaqytyn qysqartýǵa, sharshy metrdiń ózindik qunyn azaitýǵa múmkindik beredi, – dedi elorda ákimi.
Atalmysh kombinat qurylysy uzaqqa sozylǵan úilerdiń (Baǵystan, Altyn shar) problemasyn sheshýge, sol siiaqty áleýmettik turǵyn úi salýǵa baǵyttalǵan. Zaýyttyń qýatyn arttyrý arqyly áleýmettik nysandar qurylysynyń qarqyny kúsheiip, qosymsha turaqty jumys oryndary qurylady.
– Osyǵan deiin úi qurylysy kombinaty nesie berýshiler men kásiporyn qyzmetkerlerine 600 mln teńgege jýyq qaryz bolǵan. Memlekettiń qoldaýynyń arqasynda bul qaryz ótelip, kombinattyń jumysy qaita jandandy.
Budan bólek, 2020 jyldyń sońynda ModeX úi qurylysy kombinatynyń jumysy iske qosyldy, – dedi Altai Kólginov.
Memleket basshysynyń tapsyrmasyna sáikes qalada turǵyn úi baǵyttary boiynsha júieli jumys júrip jatyr. Jeńildetilgen qoljetimdi turǵyn úi qurylysynyń kólemin ulǵaiǵan. «Elorda Jastary» arnaiy turǵyn úi baǵdarlamasyn iske qosylyp, turǵyn úi baǵdarlamalaryna qatysýshylar sany ulǵaiǵanyn aita ketýimiz kerek. Óz kezeginde ákim «turǵyn úi sertifikattarynyń somasyn 1 mln teńgeden 1,5 mln teńgege deiin ulǵaittyq» deidi elorda ákimi.
