Tegin dárister ár aptanyń dúisenbi, seisenbi kúnderi, saǵat 9:00-de «Januia» otbasy institýtyn qoldaý ortalyǵynda ótedi.
Dárister tarih, dástúr, dintaný, jahandaný taqyryptaryna negizdelip, sonymen qatar azamattardyń ózin-ózi úzdiksiz damytýy men jeke tulǵalyq qasietterin damytýǵa baǵyttalǵan.
Shara elordalyq Qoǵamdyq damý isteri basqarmasynyń bastamasymen Tuńǵysh Prezident-Elbasy N.Á.Nazarbaevtyń «Bolashaqqa baǵdar: rýhani jańǵyrý» maqalasynyń aiasynda ótedi.
Sharany uiymdastyrýshylardyń aitýynsha, seminarlar kezinde halyqtyń barlyq tobyn «Rýhani jańǵyrý» baǵdarlamasyn júzege asyrýǵa qatystyrý úshin ǵylymi-ádistemelik jáne konsýltativtik qyzmetter kórsetiledi.
Aqparattyq-túsindirme jumysymen halyqtyń barlyq tobyn, onyń ishinde memlekettik qyzmetkerler, bilim, sport, mádniet, jastar salasy men ÚEU qamtý kózdelip otyr. Kýrs sońynda qatysýshylarǵa sertifikattar tabystalady.
