قازاقستاندىق پروفەسسورلار مەن قوعام قايراتكەرلەرى «جانۇيا» وتباسى ينستيتۋتىن قولداۋ ورتالىعىندا تەگىن لەكسيالار وتكىزەدى. نەگىزگى تاقىرىپ رەتىندە «رۋحاني جاڭعىرۋ» باعدارلاماسىنىڭ باعىتتارى تاڭدالىپ الىندى، دەپ حابارلايدى ەلوردا اكىمدىگىنىڭ رەسمي سايتى.

تەگىن دارىستەر ءار اپتانىڭ دۇيسەنبى، سەيسەنبى كۇندەرى، ساعات 9:00-دە «جانۇيا» وتباسى ينستيتۋتىن قولداۋ ورتالىعىندا وتەدى.

دارىستەر تاريح، ءداستۇر، ءدىنتانۋ، جاھاندانۋ تاقىرىپتارىنا نەگىزدەلىپ، سونىمەن قاتار ازاماتتاردىڭ ءوزىن-وزى ۇزدىكسىز دامىتۋى مەن جەكە تۇلعالىق قاسيەتتەرىن دامىتۋعا باعىتتالعان. 

شارا ەلوردالىق قوعامدىق دامۋ ىستەرى باسقارماسىنىڭ باستاماسىمەن تۇڭعىش پرەزيدەنت-ەلباسى ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىنىڭ اياسىندا وتەدى.

شارانى ۇيىمداستىرۋشىلاردىڭ ايتۋىنشا، سەمينارلار كەزىندە حالىقتىڭ بارلىق توبىن «رۋحاني جاڭعىرۋ» باعدارلاماسىن جۇزەگە اسىرۋعا قاتىستىرۋ ءۇشىن عىلىمي-ادىستەمەلىك جانە كونسۋلتاتيۆتىك قىزمەتتەر كورسەتىلەدى.

اقپاراتتىق-تۇسىندىرمە جۇمىسىمەن حالىقتىڭ بارلىق توبىن، ونىڭ ىشىندە مەملەكەتتىك قىزمەتكەرلەر، ءبىلىم، سپورت، مادنيەت، جاستار سالاسى مەن ۇەۇ قامتۋ كوزدەلىپ وتىر. كۋرس سوڭىندا قاتىسۋشىلارعا سەرتيفيكاتتار تابىستالادى.