Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Nur-Sultanda Fariza Ońǵarsynovanyń atyna kóshe berildi

Dalanews
Nur-Sultanda Fariza Ońǵarsynovanyń atyna kóshe berildi
Qazaqstannyń Halyq jazýshysy, kórnekti aqyn jáne qoǵam qairatkeri, Memlekettik syilyqtyń iegeri Fariza Ońǵarsynovanyń atyna elordanyń sol jaǵalaýynda kósheý ataýy berildi, dep habarlaidy qala ákimdiginiń resmi saity.

Aqyn atyndaǵy kósheni saltanatty túrde ashý rásimine Nur-Sultan qalasy ákiminiń orynbasary Baqtiiar Máken men Fariza Ońǵarsynovanyń uly Almas Ońǵarsynov kesti.

– Búgin mine qazaqtyń dana qyzy, dara qyzy Fariza apamyzdyń atyna kóshe ataýy berildi. Biz ótkendi umytpaýymyz kerek. Kóshe ataýyn berý óskeleń urpaqqa ónege bolýdyń belgisi. Fariza apamyzdyń qai óleńin oqysańyzda ótkir, shyndyqty tike aitatyn aqyn ekenin baiqaýǵa bolady. Sol sebepti apamyzdyń shyǵarmalary erekshe este qalatynymen erekshelenedi.

Sondai-aq, aqyn memlekettik qyzmet salasynda da tabysty eńbek etip, Parlamentte óz ornyn aiqyndap, halyq múddesin qorǵai bildi. Bul qyzmette halyqtyń muńyn joqtap, kóp eńbek sińirgenin jurttyń bári biledi.


Sondyqtan elordada apamyzǵa kóshe ataýyn berý jas urpaqqa tárbie berýdiń úlgisi dep bilemin. Fariza apamyzdyń aty máńgi óshpesin. Osy kóshe apamyzdyń esimimen dańǵyl jolǵa ainalsyn, – dedi Nur-Sultan qalasy ákiminiń orynbasary Baqtiiar Máken saltanatty ashylý rásiminde.

Aitýly sharaǵa jazýyshylar, qoǵam qairatkerli men aqynnyń jaqyn týystary qatysty.

Ashylýǵa kelgen jazýshy jáne qoǵam qairatkeri Aldan Smaiyl Fariza Ońǵarsynova týraly estelikterimen bólisti.

– Fariza keń adam edi, minezi qattylaý bolǵanymen, jan-jaǵyna jaqsylyq jasap júretin shalqar jan edi. Myna kósheniń de ózindei keńdigin kórip, qýanyp otyrmyz.

Fariza aqiqattyń aqyny boldy, shyndyqty aityp ótti. Shyndyqty aitýdyń ózi – erlik. Eldiń shyndyǵyn, eldiń muńyn óle-ólgenshe kúittep ketti. Al qazir Farizaǵa degen halyqtyń sheksiz mahabbatyn kórip júrmiz.


Fariza qazaqtyń qyzy bola otyryp, uly da bola bilgen adam. Qazaq óziniń igi jaqsylaryna eshkimdi teńgermeidi. Biraq, Farizany Mahambetke teńedi. Men dál sondai ulylarǵa teńegen basqa qairatkerlerdi bilmeimin. Fariza óz zamanynda Mahambettiń ornyn joqtatpaǵan, sony toltyrýǵa tyrysqan uly tulǵalardyń biri boldy, – dep Aldan Smaiyl jyly lebizin bildirdi.

Aita keteiik, búgin QR Ulttyq akademiialyq kitaphanasynda Fariza Ońǵarsynovanyń «Shilde» jáne «Poldnevnyi Jar» kitaptarynyń tusaýkeseri ótedi. Al keshki Jastar teatry sahnasynda «Fariza» spektakli qoiylady.

 
Fariza ońǵarsynova Nur-Sultan qalasy Qazaqstannyń Halyq jazýshysy Baqtiiar Máke Madina Sádýaqasova

Oqi otyryńyz