Bul úshin respýblikalyq biýdjetten 2 mlrd teńge, jergilikti qazynadan 56 mln teńge bólindi, dep habarlaidy "Habar-24".
Búginde qaladaǵy sýpermarket jelisimen kelisim jasaldy. Bul týraly úkimet basshysynyń orynbasary Berdibek Saparbaevtyń jumys sapary barysynda aityldy.
Belgili bolǵandai, ótinish qaldyrǵan otbasylar 15 saýda núktesine baryp tiisti taýaryn ala alady. Olarǵa ai saiyn azyq-túlik, úsh aida bir tazalyq quraldary beriletin bolady.
Al naýryz aiynda ataýly áleýmettik kómek alatyn 4 myń 200 kóp balaly ananyń árqaisysyna arnaiy karta beriledi. Kepildendirilgen áleýmettik pakettiń iesine jetýin jumyspen qamtý jáne áleýmettik qorǵaý basqarmasy baqylaidy.
Baqtiiar Máken, Nur-Sultan qalasy ákiminiń orynbasary:
- Arnaiy mynadai kartochkalar jasaimyz. Ol arqyly shtrih-kod boiynsha búkil bazasy bolady osy jerde. Berilgen nusqaýlarǵa sáikes kartochkamen alyp óte beredi. Qalada 15 magným ortalyqtary bar, bári aqpan aiynan bastalady. Kartochnyi júie naýryz aiynan bastaimyz.
Sondai-aq vitse-premer qaladaǵy áleýmettik kásipkerliktiń damý barysymen tanysty. Aldymen psihikalyq densaýlyq meditsina ortalyǵyna barǵan Berdibek Saparbaevtyń nazaryna tiginshilik, ustalyq, qolónerge baýlyp jatqan emdelýshiler jaiy usynyldy.
Sońǵy 4 jylda mundaǵy 69 adam jumyspen qamtylǵan. Elordada ózin jumyspen qamtyp qoimai, múmkindigi shekteýli zamandastaryna qoldaý kórsetip, oqytyp jatqan erekshe jastar az emes. Bastysy, olar da memleket nazarynan tys qalmaidy.
Berdibek Saparbaev, QR Premer-ministriniń orynbasary:
- 4 protsentpen beriletin shaǵyn nesieler bar. Ǵimarat beremiz. Kómektesemiz. Eń bastysy, kásip igerý, jumys isteý. Biz kómektesemiz. Jerlesterińizge qoldaý kórsetip jatqandaryńyz óte keremet. Niet bolsa boldy. Osyndai kýrstar kóp bolǵan saiyn, múmkindik te keńeiedi.
