Shara barysynda kandıdattar «Nur Otan» partıasynyń saılaýaldy baǵdarlamasymen tanystyrdy. Shar qalalyq aýrýhana ujymy men «Gorvodhoz», poshta bólimshesi men áleýmettik qyzmet kórsetý ortalyǵy fılıalynyń áleýmettik qyzmetkerlerimen kezdesý barysynda úmitkerler saılaýaldy baǵdarlamanyń negizgi tarmaqtaryna toqtalyp, saılaýshylardyń ótinish-tilekterin de tyńdady.
Halyqty bir maqsatqa biriktiretin elimizdiń bas partıasy halyqtyń áleýmettik ahýalyn arttyrýda, elimizdiń ekonomıkalyq jaǵdaıyn jaqsartý baǵytynda birshama sharýa atqaryp keledi. Ásirese, bıylǵy jyly álemdi jaılaǵan indet kezinde karantındik jaǵdaıdyń oń sheshimin qarastyryp, halyqtyń jumyspen qamtamasyz etilýin, áleýmettiń áleýetin arttyrý aıasynda «Nur Otan» partıasy halyqpen tyǵyz qarym-qatynasta birlese jumys etýdi maqsat etkenin kandıdattar qala turǵyndarymen kezdesý barysynda aıtyp ótti.
Saılaýshylar da óz taraptarynan kandıdattarǵa saýal joldady. Qala jastary úshin jumys oryndarynyń kóptep ashylsa degen oılaryn bildirdi. Kandıdattar óz kezeginde bul saýaldy nazarda ustaıtyndaryn jetkizdi. Kezdesý barysynda kandıdattar árbir mekeme ujymyna eldiń erteń úshin ıgi atqaryp jatqan «Nur Otan» partıasyna daýys berýge shaqyryp, 2021 jyly 10 qańtarda ótetin saıası naýqanǵa belsendi túrde qatysýǵa úgittedi.
(Materıal aqysy Shyǵys Qazaqstan oblysy Jarma aýdanynyń «Nur Otan» partıasy saılaý qorynyń qarajatynan tólendi)
