جارما اۋداندىق ءماسليحاتى دەپۋتاتىعىنا ۇمىتكەرلەر ايجان نادىرحانوۆا، اليا شاريپبايەۆا شار قالاسى تۇرعىندارىمەن سايلاۋالدى ۇگىت-ناسيحات جۇمىستارى اياسىندا كەزدەسۋ وتكىزدى.

شارا بارىسىندا كانديداتتار «Nur Otan» پارتياسىنىڭ سايلاۋالدى باعدارلاماسىمەن تانىستىردى. شار قالالىق اۋرۋحانا ۇجىمى مەن «گورۆودحوز»، پوشتا بولىمشەسى مەن الەۋمەتتىك  قىزمەت كورسەتۋ ورتالىعى فيليالىنىڭ الەۋمەتتىك قىزمەتكەرلەرىمەن كەزدەسۋ بارىسىندا ۇمىتكەرلەر   سايلاۋالدى باعدارلامانىڭ نەگىزگى تارماقتارىنا توقتالىپ،  سايلاۋشىلاردىڭ وتىنىش-تىلەكتەرىن دە تىڭدادى.

حالىقتى ءبىر ماقساتقا بىرىكتىرەتىن ەلىمىزدىڭ باس پارتياسى حالىقتىڭ الەۋمەتتىك احۋالىن ارتتىرۋدا، ەلىمىزدىڭ ەكونوميكالىق جاعدايىن جاقسارتۋ باعىتىندا ءبىرشاما شارۋا اتقارىپ كەلەدى. اسىرەسە، بيىلعى جىلى الەمدى جايلاعان ىندەت كەزىندە كارانتيندىك جاعدايدىڭ وڭ شەشىمىن قاراستىرىپ، حالىقتىڭ جۇمىسپەن قامتاماسىز ەتىلۋىن، الەۋمەتتىڭ الەۋەتىن ارتتىرۋ اياسىندا «Nur Otan» پارتياسى حالىقپەن تىعىز قارىم-قاتىناستا بىرلەسە جۇمىس ەتۋدى ماقسات ەتكەنىن كانديداتتار قالا تۇرعىندارىمەن كەزدەسۋ بارىسىندا ايتىپ ءوتتى.

سايلاۋشىلار دا ءوز تاراپتارىنان كانديداتتارعا ساۋال جولدادى. قالا جاستارى ءۇشىن جۇمىس ورىندارىنىڭ كوپتەپ اشىلسا دەگەن ويلارىن ءبىلدىردى. كانديداتتار ءوز كەزەگىندە بۇل ساۋالدى نازاردا ۇستايتىندارىن جەتكىزدى.  كەزدەسۋ بارىسىندا كانديداتتار ءاربىر مەكەمە ۇجىمىنا  ەلدىڭ ەرتەڭ ءۇشىن يگى اتقارىپ جاتقان «Nur Otan» پارتياسىنا داۋىس بەرۋگە شاقىرىپ، 2021 جىلى 10 قاڭتاردا وتەتىن ساياسي ناۋقانعا بەلسەندى تۇردە قاتىسۋعا ۇگىتتەدى.



(ماتەريال اقىسى شىعىس قازاقستان وبلىسى جارما اۋدانىنىڭ «Nur Otan» پارتياسى سايلاۋ قورىنىڭ قاراجاتىنان تولەندى)