«Nur Otan»: Túrkistan qalalyq filialynyń tóraǵasy sailandy
Konferentsiiany «Nur Otan» partiiasy Túrkistan qalalyq filialy tóraǵasynyń birinshi orynbasary Almasbek júrgizip otyrdy. Kún tártibinde úsh másele qaraldy. Birinshi másele – «Nur Otan» partiiasy Túrkistan qalalyq filialynyń tóraǵasyn sailaý boldy. Delegattardyń daýys berýimen Nurbol Turashbekovtyń kandidatýrasy biraýyzdan qoldaý taýyp, ol «Nur Otan» partiiasy Túrkistan qalalyq filialynyń tóraǵasy bolyp sailandy.
«Nur Otan» partiiasy Túrkistan oblystyq filialy tóraǵasynyń birinshi orynbasary Beisenbai Tájibaev Túrkistannyń strategiialyq mańyzy bar qala ekenine toqtalyp, jańa tórǵanyń aldynda aýqymdy mindetter turǵanyn atap ótti. Oblys ortalyǵy bolǵandyqtan Túrkistan filialyna úlken jaýapkershilik júktelip otyrǵanyna da toqtaldy. Qala ákimi, qalalyq filial tóraǵasy N.Turashbekov el senimin aqtaý jolynda aianyp qalmaitynyn aitty.
– 2020 jyldyń qorytyndysy boiynsha partiianyń Túrkistan qalalyq qoǵamdyq qabyldaý bólmesine 1354 adam júgingen, bul – 2019 jylmen salystyrǵanda (734) 2 ese kóp. Nátijesinde ótinishtiń 687 ońtaily sheshilip, 667 ótinishke zań aiasynda keńester berildi. 2021 jyly qańtar-maýsym ailary boiynsha 754 ótinish kelip túsken. Onyń 165-i (22%) ońtaily sheshilip, 586 ótinishke zań aiasynda keńester berilgen, 3 ótinish qaralý barysynda. Jol kartasyn júzege asyrý, halyqpen dialog ornatyp, olardyń máseleleriniń sheshilýine yqpal etý jumystaryn kúsheitý kerek, – dedi B.Tájibaev.
Konferentsiiada «Nur Otan» partiiasynyń Túrkistan qalasy boiynsha «Ózgerister joly»: Ár azamatqa – laiyqty ómir!» sailaýaldy baǵdarlamasyn oryndaý jóninde Jol kartasynyń oryndalý barysy da sóz boldy. Túrkistan qalasy ákiminiń orynbasary Murat Bazarqulovtyń aitýynsha, Túrkistan qalasynyń Jol kartasynda 126 is-shara josparlanǵan, onyń ishinde 15-i (11,9%) oryndalǵan, 90-y (71,5%) oryndalý ústinde, 21-iniń (16,6%) oryndalý merzimi bar. 2021 jyldyń I jartyjyldyǵynda Túrkistan qalasynda kelýshilerdiń sany 209,3 myń adamdy qurady. Qonaq úiler ashylyp, halyqaralyq áýe reisteri sany artqan. Qala ainalasynda 4 355 ga jerde azyq-túlik beldeýin qurý josparlanyp, jyl basynan 1567 ga igerildi. «Biznestiń jol kartasy - 2025» memlekettik baǵdarlamasy aiasynda 300 kásipkerge qoldaý kórsetý josparlanyp, 4 aida 55,3 mln.teńgege 108 kásipkerge sýbsidiia berilgen. Osy jáne ózge de derekterge toqtalǵan baiandamashy jetekshi partiianyń sailaýaldy baǵdarlamasyn oryndaý basty nazarda ekenin jetkizdi.
Kún tártibindegi úshinshi másele boiynsha «Nur Otan» partiiasy Túrkistan qalalyq filialy Saiasi keńesiniń quramyna ózgerister engizildi.
