Sharanyń maqsaty – partıa múshelerin halyqpen keri baılanysta, antıkrızıstik sıtýasıada ózin ustaý, sóılese bilý mádenıeti boıynsha biliktiligin arttyrý.
Bul týraly oblys ákimi, fılıal tóraǵasy Ó.Shókeev «Nur Otan» partıasy Saıası keńes májilisinde tapsyrǵan bolatyn.
Semınarda partıalyqtar «Startegıalyq menejment», «Strategıalyq qujattardy taldaý jáne qoldaný» jáne «Jańa aqparattyq medıa-tehnologıalardy tıimdi basqarý», «Emosıonaldy ıntelekt», sonymen qatar, «Storıtellıng», «Saraptaý negizderi» taqyrybynda dáris tyńdady.
«Nur Otan» partıasy Túrkistan oblystyq fılıaly tóraǵasynyń birinshi orynbasary B.Tájibaevtyń aıtýynsha semınardyń qajettiligi men mańyzdylyǵy zor: «Qoǵam kúndelikti damyp otyrǵan sátte, mundaı biliktilikti arttyrý tetigi bizge qajet. Biz túrli máseleler boıynsha halyqqa qyzmet kórsetip, máselesin qaraımyz. Al, bul sátte zamanaýı mehanızmder men jańasha baǵytta strategıa qura bilý-bizdiń qyzmetkerlerdiń mindeti. Sol sebepti, mundaı biliktilikti arttyrý semınarlarynan kútiletin nátıje oń bolary anyq" - dep atap ótti.
Semınardy Nur-Sultan qalasynan kelgen Memlekettik basqarý akademıasynyń oqytýshysy, bıznes-analıtık, koých-trener Ydyrysova Aınur Maratqyzy ótýde.
Atalmysh semınar eki kúnge josparlanǵan. Aýdan, qalalyq fılıal qyzmetkerleri men oblystyq fılıal qyzmetkerleri úshin.
Aıta keteıik, «Nur Otan» partıasy «Senim. Dıalog. Bolashaqqa nyq qadam» qaıta jandandyrý baǵdarlamasymen jańǵyrý kezeńin bastap, jańa jobalar men zamanýı júıe tetigin qalyptastyrýda. Máselen, oblystyq partıa fılıaly ashyq formatqa kóship, qoǵamdyq qabyldaýdy áleýmettik jelilerde tikeleı efır arqyly kórsetýdi qolǵa aldy. Endi azamattar áleýmettik jelilerdegi resmı paraqshalar arqyly kez-kelgen ýaqytta aryz-shaǵymyn qaldyryp, naqty jaýap ala alady.
Semınar nátıjesinde qyzmetkerler úshin arnaıy reıtıń jasalyp, qyzmet sapasy artpaq.
«Nur Otan» partıasy Túrkistan oblystyq fılıalynyń baspasóz-qyzmeti
