Kentaý qalasy, Iski Iqan aýylynyń turǵyny Abror Nabıev ekken maqtasyn fırmaǵa ótkizegenimen aqshasyn ala almaı keledi. Aryzben muqıat tanysqan oblys ákiminiń orynbasary dıqanǵa:
– Maqta ótkizgen kezińizde qujattar boıynsha kelisim jasaý qajet edi. Sizder kelisimge otyrmaǵansyzdar. Sol sebepti sotqa júginesiz. Onda da taýar ótkizgenińizdi dáleldeýińiz qajet. Qosymsha «Atameken» UKP tóraǵasyna ótinish jasaımyn. Sizdi qabyldap, máseleńiz boıynsha kómektesetin bolady. Maqtańyzdy ótkizgen fırmańyzdyń basshysymen sóılesip, qorytyndysyn sizge aıtady, – dedi.
Túrkistandyq Ánýarbek Isabekovtyń shaǵymy da osyǵan uqsas. Kelisimshart qujattary olqy túsken bul turǵyn kásipkerikke keltirilgen shyǵynyn óteı almaı júr.
Meıirjan Iabaıuly bul másele boıynsha qala ákimine tapsyrma beretinin, zań aıasynda kómek qarastyrylatynyn jetkizdi.
Kentaýlyq Aqnur Mýkaeva jeke kásipkerlikpen aınalysýǵa kómek suraı kelipti. Bul turǵynǵa kásipkerlik kýrsyn oqyp, sertıfıkat alý jóninde usynys aıtyldy.
Sonymen qatar úıiniń janynan ashyp otyrǵan kásibińiń qujattaryn zańdastyrý kerek ekeni túsindirildi.
Al áleýmettik jaǵdaıy boıynsha kómek suraǵan túrkistandyq Qurbankúl Týmashevaǵa oblys ákimi Ó.Shókeevtiń bastamasymen qolǵa alynǵan «Qamqorlyq» jobasy boıynsha kómek kórsetiletini málimdeldi.
Bir ereksheligi, partıanyń qoǵamdyq qabyldaý bólmesinde koreıalyq ınvestordy erte kelgen turǵynnyń ta ótinishi tyńdaldy.
Báıdibektik Berik Ýalıev jylyjaı salý, aýyl sharýashylyǵyn damytý jónindegi oılaryn ortaǵa saldy. Meıirjan Myrzalıev koreıalyq kásipker men onyń senimdi ókiline usynysty naqtylap, bıznes-jospardy tolyq ázirlep ákelý kerektigin, sonda tıisti qoldaý kórsetiletiletinin málimdedi.
«Nur Otan» partıasy Túrkistan oblystyq fılıalynyń baspasóz qyzmeti
