Kún tártibindegi alǵashqy másele boiynsha «Ulttyq mura» partiialyq jobasy aiasynda Túrkistan oblysynyń kieli, qasietti oryndaryna jasalǵan «Túrkistan ǵajaiyptary» ekspeditsiiasy túiindeldi. Partiia filialynyń qoldaýymen ótken ekspeditsiia 23-maýsymda bastalyp, 15 shildede aiaqtalǵan. Arnaiy top pen ólketanýshylar 10 ekspeditsiialyq saparǵa shyǵyp, 85 nysandy kórip, jai-kúiin zerdelegen.
Bul týraly Túrkistan oblystyq mádeniet basqarmasynyń tarhi-mádeni murany qorǵaý, qalpyna keltirý jáne paidalaný jónindegi ortalyqtyń direktory Jandos Qurbannyń esebi tyńdaldy. Onyń aitýynsha, aýdan, qalalarda tarihi eskertkishter men oryndardy qorǵaý baǵytyndaǵy jumystardy kúsheitý kerek.
– Túrkistan oblysyndaǵy Shámmat ishan meshit-mediresesi, Uzyn ata kesenesi, Ysqaq ata kesenesi, Mansur ata kesenesi sekildi sáýlet eskertkishteri restavratsiialyq jumystardy qajet etip tur. Eger qoldaý kórsetilmese, qundy muralarymyzdan kóz jazyp qalýymyz múmkin.
Sonymen birge Keles aýdanyndaǵy Alqakól kóline baratyn 10 shaqyrym jolǵa asfalt tóseý jáne «Alqakól sulama» qyrǵynynyń 300 jyldyǵyna arnap memorialdy keshen ornatyp, nasihattaǵan jón. Sozaq aýdanyndaǵy Qoshqar ata, Muhammed Hanafiia, Balyqshy ata, Haqnazar han kesenelerine, Qazyǵurt aýdanyndaǵy Ysqaq ata, Shilten ata kesenelerine, Tólebi aýdanyndaǵy Mansur ata kesenesine, Jylaq ata bulaǵyna, Sairam aýdanyndaǵy Er Bekish ata kesenesine, Túlkibas aýdanyndaǵy Qaraúńgir turaǵy, Dáý baba kesenesine baratyn joldardy rettep, múmkindigi bolsa asfalt jabyn tóseý kerek, – degen Jandos Qurban ózge de usynystaryn jetkizdi.
Atap aitsaq, oblys aýmaǵyndaǵy barlyq tarihi-mádeni, kieli jáne qasietti jerlerge baratyn jol boilaryndaǵy silteýish belgilerdi jańartý, joq bolsa qoiý, barlyq tarihi oryndardyń memleket qorǵaýynda ekenin kórsetetin taqtaishalardy jańartýǵa oblystyq biýdjetten qarjy qaraý qajet. Sondai-aq, shyraqshylardyń biliktigin arttyrý, aýyl ákimderiniń tarihi-mádeni eskertkishterdi qorǵaý boiynsha biliktiligin arttyrý úshin turaqty túrde seminarlar ótkizý de mańyzdy.
Jiynda óńirde ulttyq sport túrlerin damytý baǵytyndaǵy jumystar da saralandy. Bul jóninde «Tarihyn taný – taǵylymdy is» taqyrybynda oblystyq deneshynyqtyrý jáne sport basqarmasynyń basshysynyń orynbasar Aitmahametáli Berdashevtyń baiandamasy tyńdaldy. Onyń aitýynsha, Túrkistan oblysynda asyq atý, qazaq kúresi, kókpar, teńge ilý, toǵyzqumalaq, aýdaryspaq, báige, jamby atý, saiat, jekpe-jek, jalpy ulttyq sporttyń 10 túri damyp keledi. Ulttyq sport túrimen jalpy shuǵyldanýshylar sany 84 myńnan asady. Olar oblystaǵy 1826 úiirmege qatysady. Oblys sportshylary 2021 jyldyń 9 aiynda ulttyq sport túrlerinen halyqaralyq, respýblikalyq jáne oblystyq jarystarǵa qatysyp, 76 altyn, 65 kúmis, 25 qola medaldy jeńip alǵan.
Qoǵamdyq keńes otyrysynda Túrkistan oblystyq týrizm basqarmasy týristik jobalardy josparlaý jáne júzege asyrý bóliminiń basshysy Nurdáýlet Medeýov osy saladaǵy jumystardy baiandady. Ol Túrkistan óńirinde týrizm salasy damyp, aqparattyq-nasihattyq jumys kúsheigenin málimdedi.
Degenmen qoǵamdyq keńes músheleri týrizm salasyndaǵy jumystardy áli de shiratý kerektigin jetkizip, birqatar usynystaryn ortaǵa saldy. Sonymen birge oblystaǵy tarihi oryndardy qorǵaý, kókpar sportyn ótkizýge arnalǵan aýmaqtardy belgileý, jurtshylyqtyń buqaralyq sportpen shuǵyldanýyna jaǵdai jasaý baǵytynda pikirlerin aitty.
Jiyndy túiindegen Marhabat Baiǵut árbir usynys hattamaǵa engizilip, tiisti jumys júretinin málimdedi.
«Nur Otan» partiiasy Túrkistan oblystyq filialy tóraǵasynyń birinshi orynbasary, fraktsiia jetekshisi Beisen Tájibaev óńirdiń týristik áleýetin kóterý, tarihi eskertkishterdi qorǵaý, rýhaniiatqa, sportqa qoldaý kórsetý jáne nasihattaý partiianyń Jol kartasynyń basym baǵyttaryna engizilgenin jetkizdi. Árbir basqarma nemese ortalyq óz salalaryndaǵy máselelerdi jasyrmai aityp, jergilikti ákimdikterge usynystar berip, belsendi jumys júrgizýi tiis ekenine toqtaldy. «Ulttyq mura» jobasy aiasynda ótken «Túrkistan ǵajaiyptary» ólketaný ekspeditsiiasynyń óńir tarihyn, ólketanýdy zerdeleýde tabysty eńbek etkenin aita kele, ekspeditsiia múshelerin alǵys hatpen marapattady.
