Partiianyń baspasóz qyzmetiniń málimetinshe, turǵyndar «Nur Otan» partiiasyna túrli máselelermen keledi. Olardyń arasynda sýmen jabdyqtaý jelilerin, joldardy jóndeý, áleýmettik nysandardy jańǵyrtý syndy máseleler bar. Óńirlerde qoǵamdyq keńester jelisi boiynsha túsken 4600 ótkir áleýmettik másele partiialyq baqylaýǵa alyndy.
Máselen, Jambyl oblysynda Qaratóbe aýyldyq okrýginiń turǵyndary birneshe jyl boiy buzylǵan sý qubyrynan zardap shekken. Eger jazǵy ýaqytta sýdyń bir bóligi jerge aǵyp ketse, kún sýyta bastasa sý jaqyn mańdaǵy tas jolǵa aǵyp, muzǵa ainalyp, kóptegen jol apatyna uryndyrǵan. Bul máseleni sheshýdi jańadan sailanǵan Qaratóbe qalasynyń ákimi, nurotandyq Ǵamzat Saǵymbekov qolǵa aldy. Sanaýly kúnderde sý qubyry jóndelip, jol keńeitilip, jańa jol tóseldi.
Almaty oblysynda nurotandyqtar jaiaý júrginshiler kópiri jaramai qalǵan Eskeldi aýdany Qarabulaq aýylynyń turǵyndaryna kómek kórsetti. Partiia filialyna ótinish túskennen keiin aýdan biýdjetinen tiisti qarajat bólinip, qazirgi ýaqytta kópir paidalanýǵa berildi.
Nur-Sultanda erekshe qajettilikteri bar áiel «Nur Otan» qalalyq filialyna kómek surap habarlasty. Qiyn jaǵdaiǵa tap bolǵan ol, eki jasqa tolmaǵan qyzyn jalǵyz ózi tárbielep otyr. Basynda óz baspanasy bolmaǵandyqtan, múgedektik boiynsha alatyn járdemaqysy túgel páter jaldaýǵa ketedi. Partiialyqtar oǵan qaladaǵy balabaqshalardyń birinde tárbieshiniń kómekshisi bolyp jumys isteýine, sondai-aq, sol jerde balasyna tegin oryn berýge kómektesti.
Batys Qazaqstan oblysynda Bókei ordasy aýdanynyń Muratsai aýylyndaǵy balabaqsha birneshe jyldan beri jóndeýdi qajet etip keledi. Ásirese, mektep jasyna deiingi balalardyń ata-analaryn sýyq edender alańdatty. Máseleni sheshý úshin olar «Nur Otan» partiiasynyń aýdandyq máslihat depýtaty Bibigúl Jumaǵulovaǵa habarlasty. Onyń aralasýynan keiin jergilikti bilim bólimi jedel qarajat bóldi. Búgingi tańda balabaqshada jyly eden,sondai-aq, tyǵyz linoleým tóselgen.
Soltústik Qazaqstan oblysynda Mamliýt aýdany Lenin aýylynyń turǵyndary internet sapasyna birneshe ret shaǵymdandy. Másele karantin kezinde, iaǵni mektep oqýshylaryn qashyqtyqtan oqytýǵa kóshirgen kezde erekshe ózekti boldy. «Nur Otan» jergilikti filialyna kelip túsken birneshe ótinishten keiin «Tsifrlyq Qazaqstan» memlekettik baǵdarlamasyn iske asyrý aiasynda respýblikalyq biýdjet esebinen aýylda uialy bailanys munarasy ornatyldy.
Eske sala keteiik, turǵyndar ózderin mazalaǵan máseleleri boiynsha «Nur Otan» partiiasynyń Respýblikalyq qoǵamdyq qabyldaý bólmesine kelesi bailanys nómirleri arqyly habarlasýyna bolady:
- Call-ortalyq: 8 800 080 4441 (Qazaqstan boiynsha qońyraý shalý tegin);
- WhatsApp: 8 700 800 4441
- E-mail: komek@nurotan.kz
Sonymen birge partiianyń respýblikalyq qoǵamdyq qabyldaý bólmesiniń bazasynda otbasy, áielder jáne balalardyń quqyqtaryn qorǵaý, sondai-aq, turmystyq zorlyq-zombylyqqa qarsy is-qimyl máseleleri boiynsha «111 shuǵyl qyzmeti» arnaiy bailanys ortalyǵy iske qosyldy.
