Nátijesinde zaýyt qýattylyǵy jylyna 1 mln tonnaǵa jetip, 200 jańa jumys orny ashylady. Sondai-aq 2022 jyly 150 adamdy jumyspen qamtityn Badam aýyl okrýginen «Metal Giant» JShS-niń qýattylyǵy jylyna 35000 tonna qaptalǵan temir óndirý zaýytynyń qurylysyn aiaqtaýǵa járdemdespek.
Osy jáne ózge de joba-josparlar týraly Túrkistan oblystyq máslihatyna úmitkerler Erlan Nurmahanov, Dýlat Ábish pen Amalbek Ómirtaidyń Badam aýyly turǵyndarymen kezdesýinde áńgimege arqaý boldy.
Qos úmitker «Badam» óndiristik kooperativin aralap kórip, kezdesý barysynda úgit-nasihat paraqshalaryn taratyp, erkin formatta pikir almasty.
– Bas partiia jyl saiyn «Biznestiń jol kartasy – 2025» baǵdarlamasymen 5 kásipkerge paiyzdyq mólsherlemesin sýbsidiialaýǵa jáne biznesin jańadan bastaýshy 8 azamatqa grant usynýǵa yqpal etedi. «Eńbek» memlekettik baǵdarlamasymen 2021-2025 jyldar aralyǵynda jumyssyz jáne ónimsiz ózin-ózi jumyspen qamtyǵan 425-ke jýyq azamattarǵa 190 grant pen 235 adamǵa nesie alýyna jaǵdai jasaýǵa járdemdesedi, – dedi Erlan Nurmahanov.
Ordabasy aýdanynyń áleýeti zor. Ásirese, aýdanda mal sharýashylyǵyn damytyp, balyq, qus ósirýge mol múmkindikter bar. Endigi másele – aýdan azamattaryn óz kásibin ashýǵa oqytýǵa jáne biznes jobasyna sáikes qarjylandyrý qajet. Osy rette jylda memlekettik baǵdarlamalar sheńberinde «Bastaý-Biznes», «Biznes keńesshi» kýrsymen 200-den asa azamatty oqytý kózdelýde. Bul óz kezeginde óńirdegi shaǵyn jáne orta biznes ókilderiniń kóbeiýine sep bolmaq.
«Nur Otan» partiiasy Túrkistan oblystyq filialynyń baspasóz qyzmeti
(Material «Nur Otan» partiiasy Túrkistan oblystyq sailaý qory qarjysy esebinen jariialandy)
