ناتيجەسىندە زاۋىت قۋاتتىلىعى جىلىنا 1 ملن تونناعا جەتىپ، 200 جاڭا جۇمىس ورنى اشىلادى. سونداي-اق 2022 جىلى 150 ادامدى جۇمىسپەن قامتيتىن بادام اۋىل وكرۋگىنەن «Metal Giant» ءجشس-نىڭ قۋاتتىلىعى جىلىنا 35000 توننا قاپتالعان تەمىر ءوندىرۋ زاۋىتىنىڭ قۇرىلىسىن اياقتاۋعا جاردەمدەسپەك.
وسى جانە وزگە دە جوبا-جوسپارلار تۋرالى تۇركىستان وبلىستىق ءماسليحاتىنا ۇمىتكەرلەر ەرلان نۇرماحانوۆ، دۋلات ءابىش پەن امالبەك ءومىرتايدىڭ بادام اۋىلى تۇرعىندارىمەن كەزدەسۋىندە اڭگىمەگە ارقاۋ بولدى.
قوس ۇمىتكەر «بادام» وندىرىستىك كووپەراتيۆىن ارالاپ كورىپ، كەزدەسۋ بارىسىندا ۇگىت-ناسيحات پاراقشالارىن تاراتىپ، ەركىن فورماتتا پىكىر الماستى.
– باس پارتيا جىل سايىن «بيزنەستىڭ جول كارتاسى – 2025» باعدارلاماسىمەن 5 كاسىپكەرگە پايىزدىق مولشەرلەمەسىن سۋبسيديالاۋعا جانە بيزنەسىن جاڭادان باستاۋشى 8 ازاماتقا گرانت ۇسىنۋعا ىقپال ەتەدى. «ەڭبەك» مەملەكەتتىك باعدارلاماسىمەن 2021-2025 جىلدار ارالىعىندا جۇمىسسىز جانە ءونىمسىز ءوزىن-وزى جۇمىسپەن قامتىعان 425-كە جۋىق ازاماتتارعا 190 گرانت پەن 235 ادامعا نەسيە الۋىنا جاعداي جاساۋعا جاردەمدەسەدى، – دەدى ەرلان نۇرماحانوۆ.
ورداباسى اۋدانىنىڭ الەۋەتى زور. اسىرەسە، اۋداندا مال شارۋاشىلىعىن دامىتىپ، بالىق، قۇس وسىرۋگە مول مۇمكىندىكتەر بار. ەندىگى ماسەلە – اۋدان ازاماتتارىن ءوز كاسىبىن اشۋعا وقىتۋعا جانە بيزنەس جوباسىنا سايكەس قارجىلاندىرۋ قاجەت. وسى رەتتە جىلدا مەملەكەتتىك باعدارلامالار شەڭبەرىندە «باستاۋ-بيزنەس»، «بيزنەس كەڭەسشى» كۋرسىمەن 200-دەن اسا ازاماتتى وقىتۋ كوزدەلۋدە. بۇل ءوز كەزەگىندە وڭىردەگى شاعىن جانە ورتا بيزنەس وكىلدەرىنىڭ كوبەيۋىنە سەپ بولماق.
تۇركىستان وبلىستىق شتاب مۇشەلەرى مۇنان سوڭ ورداباسى اۋدانى تەسپە، جەڭىس، بىرلىك ەلدىمەكەندەرىنىڭ تۇرعىندارىمەن كەزدەسىپ، الداعى 5 جىلدا پارتيا تاراپىنان اتقارىلاتىن جۇمىستاردى باياندادى. كەزدەسۋدە ءسوز العان تۇرعىندار ەلىمىزدەگى زەينەت جاسىنىڭ ۇزارتىلۋىنا الاڭداۋشىلىقتارىن ءبىلدىردى. وزگە دە ماسەلەلەر قوزعالدى. كانديداتتار بۇل ۇسىنىستار جيناقتالاتىنىن، پارتيا باعدارلاماسىنداعى مىندەتتەردى ورىنداۋ ءۇشىن كۇش سالاتىندارىن جەتكىزدى. ورداباسىلىقتار جەتەكشى پارتيانىڭ باستامالارىنا قولداۋ ءبىلدىردى.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
(ماتەريال «Nur Otan» پارتياسى تۇركىستان وبلىستىق سايلاۋ قورى قارجىسى ەسەبىنەن جاريالاندى)
