قازاقستاندا بٸرىڭعاي ۋاقىت بەلدەۋٸنە كٶشكەننەن كەيٸن ەلەكتر ەنەرگيياسىن تۇتىنۋ شامامەن 1-1,5 پايىزعا ارتقان. بۇل تۋرالى ەنەرگەتيكا مينيسترٸ ەرلان اقكەنجەنوۆ باسپاسٶز مەسليحاتىندا مەلٸمدەدٸ, دەپ حابارلايدى dalanews.kz.
Parۋz.kz جۋرناليسٸ ۋاقىت بەلدەۋٸ ٶزگەرگەننەن كەيٸن استانا مەن بٸرقاتار ٶڭٸر تۇرعىندارىنىڭ كٷندٸز جارىق جاعۋعا مەجبٷر بولىپ وتىرعانىن ايتتى. ول ەلورداداعى ٷي شارۋاشىلىقتارىنىڭ بۇرىن جەنە قازٸر قانشا ەلەكتر ەنەرگيياسىن تۇتىناتىنىن, وتباسىلاردىڭ ٷنەمدەگەنٸن نەمەسە قوسىمشا شىعىنعا ۇشىراعانىن كٶرسەتەتٸن ناقتى ەسەپ بار-جوعىن سۇرادى.
مينيسترلٸك ٶكٸلٸ ەل بويىنشا ەلەكتر ەنەرگيياسىن تۇتىنۋ كٶلەمٸنٸڭ ارتقانىن راستادى. ونىڭ سٶزٸنشە, بۇعان دەيٸن جٷرگٸزٸلگەن باعالاۋ تۇتىنۋ دەڭگەيٸنٸڭ شامامەن 1-1,5 پايىزعا ٶسكەنٸن كٶرسەتكەن.
"شىنىمدى ايتسام, سٸز ايتىپ وتىرعان اۋقىمدى فلەشموبتاردى كٶرگەن جوقپىن. ەلەكتر ەنەرگيياسىن تۇتىنۋ بويىنشا ازداعان ٶسٸم بار. ونى شامامەن 1-1,5 پايىز دەپ باعالاعان ەدٸك", – دەدٸ ۆەدومستۆو ٶكٸلٸ.
ول استانا تۇرعىندارىنىڭ تٷستەن كەيٸن جارىق جاعۋعا مەجبٷر بولىپ وتىرعانىن بايقاماعانىن دا ايتتى.
"ٶزٸم دە ٷي يەسٸمٸن. مەنٸڭ ٷيٸمدە تٷستەن كەيٸن ەشكٸم جارىق جاقپايدى", – دەدٸ ول.
بۇعان جۋرناليست باسپاسٶز مەسليحاتى ٶتٸپ جاتقان زالدا ساعات 13:00-دە جارىق قوسىلىپ تۇرعانىن ەسكە سالدى. الايدا مودەراتور بۇل مەسەلە جيىن تاقىرىبىنا قاتىسى جوق ەكەنٸن ايتىپ, كەلەسٸ سۇراققا كٶشۋدٸ سۇرادى.
