«Nur Otan» partiiasynyń Túpqaraǵan aýdandyq sailaýaldy shtab basshysy Svetlana Joldasova jetekshi saiasi uiymnyń «Ózgerister joly: Ár azamatqa laiyqty ómir!» atty respýblikalyq jáne aýdandyq sailaýaldy baǵdarlamany tanystyrdy.
– «Nur Otan» partiiasy sailaýaldy baǵdarlamasyn negizge ala otyryp, ár oblys, qala, aýdandar óziniń sailaýaldy baǵdarlamasyn ázirlegen bolatyn. Osyǵan sáikes, bizdiń aýdannyń da sailaýaldy baǵdarlamasy jasaqtaldy, ol 2021-2025 jyldarǵa arnalǵan. Damýdyń jeti basymdyǵyn qarastyrǵan.
Olar – ekonomikalyq turaqty aýdan, jaily aýdan, áleýmettik baǵyttalǵan aýdan, jastarǵa arnalǵan aýdan, tarih pen mádenietti damytý, ashyq jáne esep beretin jergilikti organdar jáne qaýipsiz aýdan. Osy tusta aita ketetin jait, Saiyn Shapaǵatov aýyldyq okrýginiń halqymen kezdesýde kóp aitylatyn usynys-pikirlerdiń biri – aýylǵa mádeniet úiin salý. Baǵdarlamanyń «Tarih pen mádenietti damytý» bóliminde bul usynys-pikirler qamtyldy. Aýdandyq sailaýaldy baǵdarlamasynyń josparyna sáikes, Saiyn Shapaǵatov aýyldyq okrýginen mádeniet úiin jáne kitaphana salý 2024 jyly dep belgilendi, – dedi Svetlana Joldasova.
– Ózim meditsina salysynyń qyzmetkeri bolǵandyqtan maǵan osy sala tóńireginde áńgime órbitý, halyqqa túsindirý jumysyn júrgizý óte yńlaily. Meditsina salasy partiianyń sailaýaldy baǵdarlamasynyń eń basty basymdyqtarynyń biri bolǵandyǵy bizdi airyqsha qýantady. Osy turǵyda epidemiialogiialyq jaǵdaidan bastap, ambýlatoriia salý da josparǵa engizilip, kóp kóńil bólingen. Mysalǵa 2021-2025 jyldarǵa arnalǵan josparlardyń ishinde 2021 jyly Saiyn Shapaǵatov aýyldyq okrýginen dárigerlik ambýlatoriiasyn salýǵa josparlanǵan. Odan bólek, meditsina salasyna kóp kóńil bólingen, – dedi «Nur Otan» partiiasynyń úmitkeri.
Budan kein Túpqaraǵan aýdandyq máslihat depýtatyna úmitker Erkebulan Jetkizgenov aýdandyq sailaýaldy baǵdarlamanyń 6 baǵytyna toqtalyp ótti.
– Bizge memlekettik organdar men aýdan turǵyndarynyń ózara qarym-qatynasynyń múldem jańa sipatyn qalyptastyrý qajet. Yntymaqtastyqtyń basty qaǵidattary – ashyqtyq, esep berýshilik jáne jemqorlyqqa qarsy is-qimyl bolýy tiis, – dep kandidat osy baǵyttaǵy josparlarmen tanystyrdy.
Eń jas depýtattyq mandatqa úmitker Gaýhar Shamqulova sailaýaldy baǵdarlamanyń jastarǵa arnalǵan baǵytyna toqtalyp ótti.
Basqa da aýdandyq máslihat depýtatyna úmitkerler Balǵanym Joldybaeva, Úsen Izbasarov, Amankúl Qopashova, Arǵyn Qosai, Nurlybek Adekov jáne Ǵabit Sháýdirbaev «Nur Otan» partiiasynyń sailaýaldy baǵdarlamasy jaiynda sóz qozǵap, úgit-nasihat naýqany aiaqtalǵannan keiin de halyqpen etene jumys isteitindikterin jetkizdi. Úmitkerler 10 qańtar kúni ótetin sailaýda «Nur Otan» partiiasyna daýys berýge shaqyrdy.
Aýyl turǵyny Aqmaral Kenjebaeva emhanany úlkeitý máselesin kóterdi. Kandidat Ǵ.Sháýdirbaev: «2021 jyly Saiyn Shapaǵatov aýyldyq okrýginen dárigerlik ambýlatoriia qurylysy júrgiziledi. Odan bólek, sanitariialyq-epidemiologiialyq qyzmetti kúsheitýge, diagnostika men emdeýdiń joǵary tehnologiialyq tásilderin meditsinalyq praktikaǵa engizýge jáne meditsinalyq uiymdardy joǵary tehnologiialyq jabdyqpen qamtamasyz etýge baǵyttalǵan sharalar josparǵa engizildi» dep aldaǵy ýaqytta salynatyn dárigerlik ambýlatoriianyń jai-japsary jaiynda túsindirip berdi.
Jiynda budan bólek jastardyń ýaqytyn tiimdi paidalaný, jumyspen qamtý, aýylda buqaralyq sportty damytý, sport keshenin salý, kitaphana, mádeniet úiin salý sekildi qajettilikter aityldy. 2023 jyly sport kesheni,
2024 jyly mádeniet úii jáne kitaphana boi kóteredi. 5 jyl ishinde naqty is-sharalardyń arqasynda turaqty jumys oryndary qurylyp, jastar jumyspen qamtylatyn bolady.
(Material aqysy «Nur Otan» partiiasynyń Mańǵystaý oblysy Túpqaraǵan aýdanynyń Sailaý qorynyń qarajaty esebinen tólendi)
