«Nur Otan» پارتياسىنىڭ ءتۇپقاراعان اۋداندىق سايلاۋالدى شتاب باسشىسى سۆەتلانا جولداسوۆا جەتەكشى ساياسي ۇيىمنىڭ «وزگەرىستەر جولى: ءار ازاماتقا لايىقتى ءومىر!» اتتى رەسپۋبليكالىق جانە اۋداندىق سايلاۋالدى باعدارلامانى تانىستىردى.
– «Nur Otan» پارتياسى سايلاۋالدى باعدارلاماسىن نەگىزگە الا وتىرىپ، ءار وبلىس، قالا، اۋداندار ءوزىنىڭ سايلاۋالدى باعدارلاماسىن ازىرلەگەن بولاتىن. وسىعان سايكەس، ءبىزدىڭ اۋداننىڭ دا سايلاۋالدى باعدارلاماسى جاساقتالدى، ول 2021-2025 جىلدارعا ارنالعان. دامۋدىڭ جەتى باسىمدىعىن قاراستىرعان.
ولار – ەكونوميكالىق تۇراقتى اۋدان، جايلى اۋدان، الەۋمەتتىك باعىتتالعان اۋدان، جاستارعا ارنالعان اۋدان، تاريح پەن مادەنيەتتى دامىتۋ، اشىق جانە ەسەپ بەرەتىن جەرگىلىكتى ورگاندار جانە ءقاۋىپسىز اۋدان. وسى تۇستا ايتا كەتەتىن جايت، سايىن شاپاعاتوۆ اۋىلدىق وكرۋگىنىڭ حالقىمەن كەزدەسۋدە كوپ ايتىلاتىن ۇسىنىس-پىكىرلەردىڭ ءبىرى – اۋىلعا مادەنيەت ءۇيىن سالۋ. باعدارلامانىڭ «تاريح پەن مادەنيەتتى دامىتۋ» بولىمىندە بۇل ۇسىنىس-پىكىرلەر قامتىلدى. اۋداندىق سايلاۋالدى باعدارلاماسىنىڭ جوسپارىنا سايكەس، سايىن شاپاعاتوۆ اۋىلدىق وكرۋگىنەن مادەنيەت ءۇيىن جانە كىتاپحانا سالۋ 2024 جىلى دەپ بەلگىلەندى، – دەدى سۆەتلانا جولداسوۆا.
ودان ءارى مەديسينا سالاسىنا توقتالىپ وتكەن ۇمىتكەر نۋربول مەندالييەۆ:
– ءوزىم مەديسينا سالىسىنىڭ قىزمەتكەرى بولعاندىقتان ماعان وسى سالا توڭىرەگىندە اڭگىمە ءوربىتۋ، حالىققا ءتۇسىندىرۋ جۇمىسىن جۇرگىزۋ وتە ىڭلايلى. مەديسينا سالاسى پارتيانىڭ سايلاۋالدى باعدارلاماسىنىڭ ەڭ باستى باسىمدىقتارىنىڭ ءبىرى بولعاندىعى ءبىزدى ايرىقشا قۋانتادى. وسى تۇرعىدا ەپيدەميالوگيالىق جاعدايدان باستاپ، امبۋلاتوريا سالۋ دا جوسپارعا ەنگىزىلىپ، كوپ كوڭىل بولىنگەن. مىسالعا 2021-2025 جىلدارعا ارنالعان جوسپارلاردىڭ ىشىندە 2021 جىلى سايىن شاپاعاتوۆ اۋىلدىق وكرۋگىنەن دارىگەرلىك امبۋلاتورياسىن سالۋعا جوسپارلانعان. ودان بولەك، مەديسينا سالاسىنا كوپ كوڭىل بولىنگەن، – دەدى «Nur Otan» پارتياسىنىڭ ۇمىتكەرى.
بۇدان كەىن ءتۇپقاراعان اۋداندىق ءماسليحات دەپۋتاتىنا ۇمىتكەر ەركەبۇلان جەتكىزگەنوۆ اۋداندىق سايلاۋالدى باعدارلامانىڭ 6 باعىتىنا توقتالىپ ءوتتى.
– بىزگە مەملەكەتتىك ورگاندار مەن اۋدان تۇرعىندارىنىڭ ءوزارا قارىم-قاتىناسىنىڭ مۇلدەم جاڭا سيپاتىن قالىپتاستىرۋ قاجەت. ىنتىماقتاستىقتىڭ باستى قاعيداتتارى – اشىقتىق، ەسەپ بەرۋشىلىك جانە جەمقورلىققا قارسى ءىس-قيمىل بولۋى ءتيىس، – دەپ كانديدات وسى باعىتتاعى جوسپارلارمەن تانىستىردى.
ەڭ جاس دەپۋتاتتىق مانداتقا ۇمىتكەر گاۋھار شامقۇلوۆا سايلاۋالدى باعدارلامانىڭ جاستارعا ارنالعان باعىتىنا توقتالىپ ءوتتى.
باسقا دا اۋداندىق ءماسليحات دەپۋتاتىنا ۇمىتكەرلەر بالعانىم جولدىبايەۆا، ۇسەن يزباساروۆ، امانكۇل قوپاشوۆا، ارعىن قوساي، نۇرلىبەك ادەكوۆ جانە عابيت شاۋدىربايەۆ «Nur Otan» پارتياسىنىڭ سايلاۋالدى باعدارلاماسى جايىندا ءسوز قوزعاپ، ۇگىت-ناسيحات ناۋقانى اياقتالعاننان كەيىن دە حالىقپەن ەتەنە جۇمىس ىستەيتىندىكتەرىن جەتكىزدى. ۇمىتكەرلەر 10 قاڭتار كۇنى وتەتىن سايلاۋدا «Nur Otan» پارتياسىنا داۋىس بەرۋگە شاقىردى.
اۋىل تۇرعىنى اقمارال كەنجەبايەۆا ەمحانانى ۇلكەيتۋ ماسەلەسىن كوتەردى. كانديدات ع.شاۋدىربايەۆ: «2021 جىلى سايىن شاپاعاتوۆ اۋىلدىق وكرۋگىنەن دارىگەرلىك امبۋلاتوريا قۇرىلىسى جۇرگىزىلەدى. ودان بولەك، سانيتاريالىق-ەپيدەميولوگيالىق قىزمەتتى كۇشەيتۋگە، دياگنوستيكا مەن ەمدەۋدىڭ جوعارى تەحنولوگيالىق تاسىلدەرىن مەديسينالىق پراكتيكاعا ەنگىزۋگە جانە مەديسينالىق ۇيىمداردى جوعارى تەحنولوگيالىق جابدىقپەن قامتاماسىز ەتۋگە باعىتتالعان شارالار جوسپارعا ەنگىزىلدى» دەپ الداعى ۋاقىتتا سالىناتىن دارىگەرلىك امبۋلاتوريانىڭ جاي-جاپسارى جايىندا ءتۇسىندىرىپ بەردى.
جيىندا بۇدان بولەك جاستاردىڭ ۋاقىتىن ءتيىمدى پايدالانۋ، جۇمىسپەن قامتۋ، اۋىلدا بۇقارالىق سپورتتى دامىتۋ، سپورت كەشەنىن سالۋ، كىتاپحانا، مادەنيەت ءۇيىن سالۋ سەكىلدى قاجەتتىلىكتەر ايتىلدى. 2023 جىلى سپورت كەشەنى،
2024 جىلى مادەنيەت ءۇيى جانە كىتاپحانا بوي كوتەرەدى. 5 جىل ىشىندە ناقتى ءىس-شارالاردىڭ ارقاسىندا تۇراقتى جۇمىس ورىندارى قۇرىلىپ، جاستار جۇمىسپەن قامتىلاتىن بولادى.
(ماتەريال اقىسى «Nur Otan» پارتياسىنىڭ ماڭعىستاۋ وبلىسى ءتۇپقاراعان اۋدانىنىڭ سايلاۋ قورىنىڭ قاراجاتى ەسەبىنەن تولەندى)
