Taldaý kórsetkishi boiynsha, ótinishterdiń basym bóligi áleýmettik qamsyzdandyrý, turǵyn úi-kommýnaldyq sharýashylyq jáne taǵy sol siiaqty máselelerge bailanysty. Búginde ótinishterdiń 98%-i sheshilip, konsýltativtik, quqyqtyq jáne ózge de kómek kórsetilgen. Al 2%-i oryndalýda.
Máselen, Qaraǵandy qalasyndaǵy partiianyń qoǵamdyq qabyldaý bólmesine Bobrýiskaia kóshesiniń turǵyndary úilerine ortalyq jylýdy qosýdy jáne ystyq sýmen qamtamasyz etýdi surap habarlasqan edi. Nurotandyqtardyń aralasýynan keiin bul másele oń sheshimin taýyp, tiisti jóndeý-qurylys jumystary júrgizildi.
Almatyda Túrksib aýdanynyń qoǵamdyq qabyldaý bólmesine turǵyndar aýdandaǵy birneshe jolǵa asfalt tósep berýdi surap ótinish bildirdi. Nátijesinde Aityqov kóshesinde uzyndyǵy 1.3 km, Sokolskii kóshesinde 1.4 km jáne Svobodnaia kóshesinde 900 metr jerge jóndeý jumystary júrgizildi.
Shymkentte qala turǵyny Keńes Seitaev partiiaǵa Q.Moldabekuly kóshesindegi kópirdiń apatty jaǵdaida turǵanyn aityp, shaǵymdandy. «Nur Otan»-nyń Eńbekshi aýdandyq filialy bul máselege jedel jaýap berip, nátijesinde másele oń sheshimin tapty.
Óz kezeginde Aqmola oblysynda Birjan sal aýdanynyń depýtattary Stepniak qalasynyń Abylaihan shaǵyn aýdanyn abattandyrý máselesin sheshti. Munda kireberis joldar men balalar oiyn alańdary, sondai-aq, jaryqtandyrý bolmaǵan. «Nur Otan» fraktsiiasynyń músheleri Stepniak qalasynyń ákimine depýtattyq saýal joldaǵannan keiin tiisti qarajat bólindi. Nátijesinde, shaǵyn aýdan aýmaǵy asfalttalyp, kóshedegi jaryqtandyrý shamdary qosyldy, sondai-aq, balalar oiyn alańy salyndy jáne basqa da jumystar atqaryldy.
Eske sala keteiik, turǵyndar ózderin mazalaǵan máseleleri boiynsha «Nur Otan» partiiasynyń Respýblikalyq qoǵamdyq qabyldaý bólmesine kelesi bailanys nómirleri arqyly habarlasýyna bolady:
- Call-ortalyq: 8 800 080 4441 (Qazaqstan boiynsha qońyraý shalý tegin);
- WhatsApp: 8 700 800 4441
- E-mail: komek@nurotan.kz
Qabyldaýǵa jazylý kezdesý ótkiziletin kúnge deiin keminde 3 kúntizbelik kún buryn júzege asyrylady.
Sonymen birge partiianyń respýblikalyq qoǵamdyq qabyldaý bólmesiniń bazasynda otbasy, áielder jáne balalardyń quqyqtaryn qorǵaý, sondai-aq, turmystyq zorlyq-zombylyqqa qarsy is-qimyl máseleleri boiynsha «111 shuǵyl qyzmeti» arnaiy bailanys ortalyǵy jumys isteidi.
