جىل باسىنان بەرى «Nur Otan» پارتياسىنىڭ قوعامدىق قابىلداۋ بولمەلەرىنە 160 مىڭعا جۋىق قازاقستاندىق جۇگىندى. دەپۋتاتتار مەن مەملەكەتتىك ورگانداردىڭ باسشىلارى 31 مىڭنان استام قوعامدىق قابىلداۋ وتكىزدى دەپ حابارلايدى پارتيانىڭ nurotan.kz. رەسمي سايتى.

تالداۋ كورسەتكىشى بويىنشا، وتىنىشتەردىڭ باسىم بولىگى الەۋمەتتىك قامسىزداندىرۋ، تۇرعىن ۇي-كوممۋنالدىق شارۋاشىلىق جانە تاعى سول سياقتى ماسەلەلەرگە بايلانىستى. بۇگىندە وتىنىشتەردىڭ 98%ء-ى شەشىلىپ، كونسۋلتاتيۆتىك، قۇقىقتىق جانە وزگە دە كومەك كورسەتىلگەن. ال 2%ء-ى ورىندالۋدا.

ماسەلەن، قاراعاندى قالاسىنداعى پارتيانىڭ قوعامدىق قابىلداۋ بولمەسىنە بوبرۋيسكايا كوشەسىنىڭ تۇرعىندارى ۇيلەرىنە ورتالىق جىلۋدى قوسۋدى جانە ىستىق سۋمەن قامتاماسىز ەتۋدى سۇراپ حابارلاسقان ەدى. نۇروتاندىقتاردىڭ ارالاسۋىنان كەيىن بۇل ماسەلە وڭ شەشىمىن تاۋىپ، ءتيىستى جوندەۋ-قۇرىلىس جۇمىستارى جۇرگىزىلدى.

الماتىدا تۇركسىب اۋدانىنىڭ قوعامدىق قابىلداۋ بولمەسىنە تۇرعىندار اۋدانداعى بىرنەشە جولعا اسفالت توسەپ بەرۋدى سۇراپ ءوتىنىش ءبىلدىردى. ناتيجەسىندە ايتىقوۆ كوشەسىندە ۇزىندىعى 1.3 كم، سوكولسكيي كوشەسىندە 1.4 كم جانە سۆوبودنايا كوشەسىندە 900 مەتر جەرگە جوندەۋ جۇمىستارى جۇرگىزىلدى.



شىمكەنتتە قالا تۇرعىنى كەڭەس سەيتايەۆ پارتياعا ق.مولدابەك ۇلى كوشەسىندەگى كوپىردىڭ اپاتتى جاعدايدا تۇرعانىن ايتىپ، شاعىمداندى. «Nur Otan»-نىڭ ەڭبەكشى اۋداندىق فيليالى بۇل ماسەلەگە جەدەل جاۋاپ بەرىپ، ناتيجەسىندە ماسەلە وڭ شەشىمىن تاپتى.

ءوز كەزەگىندە اقمولا وبلىسىندا ءبىرجان سال اۋدانىنىڭ دەپۋتاتتارى ستەپنياك قالاسىنىڭ ابىلايحان شاعىن اۋدانىن اباتتاندىرۋ ماسەلەسىن شەشتى. مۇندا كىرەبەرىس جولدار مەن بالالار ويىن الاڭدارى، سونداي-اق، جارىقتاندىرۋ بولماعان. «Nur Otan» فراكسياسىنىڭ مۇشەلەرى ستەپنياك قالاسىنىڭ اكىمىنە دەپۋتاتتىق ساۋال جولداعاننان كەيىن ءتيىستى قاراجات ءبولىندى. ناتيجەسىندە، شاعىن اۋدان اۋماعى اسفالتتالىپ، كوشەدەگى جارىقتاندىرۋ شامدارى قوسىلدى، سونداي-اق، بالالار ويىن الاڭى سالىندى جانە باسقا دا جۇمىستار اتقارىلدى.

ەسكە سالا كەتەيىك، تۇرعىندار وزدەرىن مازالاعان ماسەلەلەرى بويىنشا «Nur Otan» پارتياسىنىڭ رەسپۋبليكالىق قوعامدىق قابىلداۋ بولمەسىنە كەلەسى بايلانىس نومىرلەرى ارقىلى حابارلاسۋىنا بولادى:

1. Call-ورتالىق: 8 800 080 4441 (قازاقستان بويىنشا قوڭىراۋ شالۋ تەگىن)؛


2. Whatsاpp: 8 700 800 4441


3. E-mail: komek@nurotan.kz

قابىلداۋعا جازىلۋ كەزدەسۋ وتكىزىلەتىن كۇنگە دەيىن كەمىندە 3 كۇنتىزبەلىك كۇن بۇرىن جۇزەگە اسىرىلادى.

سونىمەن بىرگە پارتيانىڭ رەسپۋبليكالىق قوعامدىق قابىلداۋ بولمەسىنىڭ بازاسىندا وتباسى، ايەلدەر جانە بالالاردىڭ قۇقىقتارىن قورعاۋ، سونداي-اق، تۇرمىستىق زورلىق-زومبىلىققا قارسى ءىس-قيمىل ماسەلەلەرى بويىنشا «111 شۇعىل قىزمەتى» ارنايى بايلانىس ورتالىعى جۇمىس ىستەيدى.