Osy oraida, bizdiń aýylymyzdan alystaý bolsa da, tasymaly bar Almaty oblysy, Qarasai aýdany, Eltai aýyldyq orkýgi, Bereke aýylynda ornalasqan JShS «Nur-Baǵym» bóbekjai-balabaqshasy týraly aitqym keledi. Basshylyq, tárbieshileri bári óte bilimdi, naǵyz óz isiniń mamandary. Óte úlken ári zamanaýi jabdyqtalǵan balabaqshada bala óte kóp. Barlyq balanyń jaǵdaiy jasalǵan. Sabaq oqityn, oinaityn, uiyqtaityn, sportqa, merekelik sharalar, jiyn ótetin májilis zaldary bári bólek-bólek jasalǵan. Aýlasyndaǵy arnaiy balalar alańy da jańadan jasalǵan. Balalar talaspai oinaityndai, keń, ádemi etip daiyndaǵan. Qaýipsizdik sharalaryn eskerip, qatty biik emes syrǵanaq, átkenshek, ainalmaly átkenshekter, san túrlisin qoiǵan.
Ózimniń Ǵanibet balam osy baqshadaǵy «Túimedaq» tobynyń tárbieshisi Maqsutova Gúljan Satybaldyqyzynyń tobyna bardy.
Gúljan apaidyń balaǵa degen qamqorlyǵy, mahabbaty, meiirimi, biliktiligi, bilimi sezilip turady. Eresek top bolǵandyqtan, mektepaldy daiarlyq sabaqtaryn oqytady. Kúnde jumysqa Gúljan apai joǵary deńgeide daiyndyqpen keletinin baiqaimyn. Kórnekilik quraldary barlyǵy keremet. Úilestirý jumystaryna jaqsy kóńil bóledi. Arnaiy ashyq sabaqtar ótkizip, aýyryp qalsa, kúnde hal-jaǵdaiyn surap, habarlasyp, ýaqyt taýyp ata-analarmen kúnde bailanysta otyrady. Kúnde ertegisin aityp uiyqtatady. Jas ereksheligine qarai bala neni igerýi tiis, sonyń barlyǵyn qamtidy. Óz jumysyna mahabbatpen qaraityn Gúljan apaiǵa rizamyz. Jan-tánimen berilip, balalarym dep, tobynyń qamyn alǵa qoiyp, árqashan birinshi bolaiyq dep júredi. Qandai tamaq beriledi sony da ata-analar bilip otyramyz.
Balanyń ósip-damyp jatqanyn kórý, alǵa umtylysyn ańǵaryp, «bolar balanyń belin býyp» qanattandyryp otyratyn osyndai tárbieshiler kóp bolsa, balanyń baǵy emes pe?! Balabaqshadaǵy úiirmelerge de balanyń talantyna qarai, analarymen aqyldasyp, qaisysyna bergen durys, balanyń qabileti qandai ekenin aityp, bizderge baǵyt-baǵdar berip otyrady. Bala tárbieshisiniń qasynda aptanyń 5 kúnin, tańnan keshke deiin júredi, úide analary baiqamaǵandy baqshadaǵy apailary baiqaidy. Ózge de balabaqshalarǵa bizdiń Gúljan apai siiaqty tárbieshi qyzmetkerlerdiń kóp bolýyn tileimin.
Gúljan apaiǵa zor alǵysymdy bildiremin. Otbasyna amandyq, denine saýlyq, qajymas qairat tileimin. Eńbegi elenip, qyzmette tek joǵarylai berse eken. Sizdei tárbieshisi bar ata-analar, bizder baqyttymyz.
«Túimedaq» tobynyń tárbielenýshisi
Ǵanibet ShERALYNYŃ anasy
Eńlik AQJIGIT
