Túrkistan oblysynyń Báidibek, Qazyǵurt, Ordabasy, Túlkibas, Tólebi, Otyrar aýdandary aýmaǵyndaǵy kieli jáne týristik oryndarǵa saiahat jasaǵan qonaqtar Túrkistannyń týristik áleýetin óte joǵary baǵalady. Atap aitsaq, Aqmeshit úńgiri, Domalaq ana kesenesi, Appaq ishan meshiti, Qazyǵurt taýy, Aqbýra áýlie, Ǵaiyp eren Qyryq shilten, Qajymuqan murajaiy, Otyrar qalashyǵy, Arystan bab kesenesi jáne ózge de tarihi oryndardy aralap, óńirdiń tańǵajaiyp tabiǵatyna tamsandy. Ekspeditsiia quramynda júrgen belgili qoǵam qairatkeri, ekonomika ǵylymynyń kandidaty Muhtar Taijan Túrkistan oblysynyń kórikti oryndarynan erekshe áser alǵanyn aitty.
Túrkistandaǵy Qoja Ahmet Iasaýi kesenesine ziiarat jasap, kóne jádigerlermen, alyp keseneniń tarihymen tanysqan saiahatshylar odan keiin Saýran qalashyǵyna jol tartty. Olar sol mańda túneidi. Erteń ekspeditsiia múshelerine jáne ózge de saiahatshylarǵa arnalyp úlken týristik is-sharalar ótedi. Ulttyq sport túrlerinen saiystar ótip, folklorlyq ansamblderdiń kontserttik baǵdarlamalary usynylmaq.
Túrkistan oblystyq Óńirlik kommnýikatsiialar qyzmeti
