AQSh-tyń Niý-Iork qalasyndaǵy áigili Brýklin kópirinde tosyn oqiǵa boldy. New York Post basylymynyń habarlaýynsha, 44 jastaǵy er adam kópir munaralarynyń birine kóterilip, birneshe memlekettiń týyn ilip qoiǵan. Sol týlardyń arasynda Qazaqstannyń memlekettik týy da bolǵan, dep habarlaidy dalanews.kz.
Oqiǵa ornyna kelgen politsiia qyzmetkerleri er adamdy tómen túsýge kóndirýge árekettengen. Alaida ol kenetten ústindegi kiimin sheship, ózenge sekirip ketken.
Qutqarýshylar er adamdy sýdan aman alyp shyǵyp, aýrýhanaǵa jetkizgen. Dárigerlerdiń málimetinshe, onyń jaǵdaiy turaqty.
Basylymnyń jazýynsha, er adamnyń janynan jeke basyn kýálandyratyn eshqandai qujat tabylmaǵan.
