اقش-تىڭ نيۋ-يورك قالاسىنداعى ەيگٸلٸ برۋكلين كٶپٸرٸندە توسىن وقيعا بولدى. New York Post باسىلىمىنىڭ حابارلاۋىنشا, 44 جاستاعى ەر ادام كٶپٸر مۇنارالارىنىڭ بٸرٸنە كٶتەرٸلٸپ, بٸرنەشە مەملەكەتتٸڭ تۋىن ٸلٸپ قويعان. سول تۋلاردىڭ اراسىندا قازاقستاننىڭ مەملەكەتتٸك تۋى دا بولعان, دەپ حابارلايدى dalanews.kz.
وقيعا ورنىنا كەلگەن پوليتسييا قىزمەتكەرلەرٸ ەر ادامدى تٶمەن تٷسۋگە كٶندٸرۋگە ەرەكەتتەنگەن. الايدا ول كەنەتتەن ٷستٸندەگٸ كيٸمٸن شەشٸپ, ٶزەنگە سەكٸرٸپ كەتكەن.
قۇتقارۋشىلار ەر ادامدى سۋدان امان الىپ شىعىپ, اۋرۋحاناعا جەتكٸزگەن. دەرٸگەرلەردٸڭ مەلٸمەتٸنشە, ونىڭ جاعدايى تۇراقتى.
باسىلىمنىڭ جازۋىنشا, ەر ادامنىڭ جانىنان جەكە باسىن كۋەلاندىراتىن ەشقانداي قۇجات تابىلماعان.
