Qazir qazaq qaryzǵa ómir súrip jatyr. Munyń basty sebebi – kúndelikti kúibeń tirlikke ketetin shyǵyndy bylai qoiǵanda, qarjylyq saýattylyqtyń kemdigi. Onyń ústine halyq arasynda «qaryzdy týystan suraǵansha, nesie alǵan ońai» degen túsinik qalyptasqan. Búginde nesieniń 85%-i biznesti ilgeriletýge ne basqa da naqty maqsatqa alynbaǵan, al boryshkerlerdiń deni 27 jasqa deiingi jastar ekeni anyqtalyp otyr. Olar kóbine smartfon, qulaqqap syndy tehnikany alyp otyrǵan. Qajetin nesiemen ótegen jastar úshin «NinetyOne» tobynyń ánshisi Dýlat Muhametqaliev – ZaQ birneshe laifkahpen bólisti. Eshqashan kredit alyp kórmedim degen juldyz aqshany basqarýda ony únemdeýge, esebin júrgizýge, bilimge, tulǵalyq damýǵa, investitsiia quiýǵa shaqyrdy.
Abai atamyz «Egerde esti kisilerdiń qatarynda bolǵyń kelse, kúnine bir márte, bolmasa jumasynda bir, eń bolmaǵanda aiynda bir, ózińnen óziń esep al!» degen eken on besinshi qara sózinde. Iaǵni, adam kirisi men shyǵysyn sanap, ózine esep berý kerek. Ekinshiden, kez kelgen dúnieniń baǵasyn saraptaý qajet. Úshinshi kezekte qarjylyq qor tur. Adam tapqan tabysynyń joq degende 10 protsentin jinap otyrý kerek. Al bizdiń jii estitinimiz, qazaqstandyqtar aqshanyń qaida ketip qalǵanyn bilmeimin dep jatady. «Aqsha jinaý eshqashan kesh emes!» degen sóz birinshi shyǵarylymnyń basty fishkasy boldy desek artyq emes. Bul rette top músheleri óz tájiribelerin tarqata kele qarjylyq saýattylyqty arttyrý strategiialaryna kóńil bóldi.
– Dúkenge barmas buryn alatyn zattyń tizimin jasap, ketetin shyǵyndardy eseptep shyǵý kerek. Sol kezde qarjynyń qaida ketkenin baqylai alasyz. Ai sońynda jazǵan kitapshańyzǵa nazar salyńyz. Dúkennen qalǵan tiyndardy kez kelgen jerge qaldyrmańyz. Esińizde bolsyn, aqsha tiynnan quralady», – dedi top solisti, Alem laqapatymen tanymal Batyrhan Malikov.
Shyǵarylymda Azamat Ashmaqyn – Ace qomaqty qarjyny bankte saqtaý, depozittiń tiimdiligin qajetke jaratý týrasynda sóz qozǵady. Spiker otbasynyń ár múshesiniń atyna depozit ashý durys sheshim ekenin jetkizdi. Sebebi, salymshy sany shekteýsiz. Shotty ata-ananyń, kúieýi men áieliniń, aǵa-inileriniń, ápke-qaryndastarynyń, tipti balalardyń atyna ashýǵa bolady.
– Jeke basyma keletin bolsaq, «Otbasy bankine» júginemin. Bul bank elimizdegi turǵyn úi saiasatyn bir ortalyqtan basqara otyryp, eńbektegen baladan eńkeigen qariiaǵa deiin baspanaly bolýǵa múmkindik syilaidy. Mysaly, «Arnaý» depozitin ashýǵa múmkindik bar munda. Ony ashsańyz, balańyz 10 jyldan keiin eń tómengi 2 paiyzben nesie rásimdep, páter ala alady. Balańyz 8 jasta bolsa, ol óz atyna ashylǵan «Arnaý» depoziti arqyly 10 jyldan keiin, iaǵni 18 jasqa kelgende baspanaly bola alady. Jas otbasylar úshin de tiimdi sharttar qamtylǵan birneshe múmkindik bar. Bastysy, munda 200 AEK deiingi somaǵa 20% mólsherinde memlekettik syiaqyny árbir salymǵa alýǵa bolady. Estýimshe, biyl depozittegi jinaqqa qosylatyn eń joǵary memlekettik syilyqaqy 138 myń teńgege jýyq eken. Aldaǵy ýaqytta men de osy jinaq arqyly armanymdaǵy úige qol jetkizýdi oilaimyn. Otandastaryma aitarym, qiyndyqtarmen betpe-bet kelgende berilmeý kerek. Páter alamyn degen maqsat bolsa, oǵan bólek biýdjet arnap, distsiplina qalyptastyrǵan mańyzdy, – dedi ánshi.
«Qarjylyq saýattylyq» aidarynyń 2-shi shyǵarylymynda da qamtylǵan dúnie kóp. Juldyzdy top qarjy basqarýdaǵy tehnikalardy tarazyǵa salyp, bastan keshke oqiǵalaryn baiandady, aqshany alaqanda ustap, shyǵynsyz tabysqa shyǵý máselelerine kelgende de ashyqtyq tanytty. Sondai-aq ýaqyt taýyp, qandai motivatsiialyq kitaptardy paraqtaitynymen bólisti. Sebebi qazir jastar kásip igerýde bedeldi biznesmenderdiń baǵytyn negizge alady. Kerek keńesin túrtip alyp, qajetine jaratýǵa ázir.
– Djorj Kleisonnyń «Vavilondaǵy eń bai adam» bestsellerin qazaq tilinde Serik Erǵali mazmundaǵan. Kitap ataýynan baiqaǵanymyzdai, basylym bai bolýdyń erejelerin baiandaidy. Qarjyny durys paidalanýdy, tabysty saqtaýdy úiretetin bul kitap «Bailyq álippesi» dep te atalyp júr. Budan bólek, Dáýlet Armanulynyń «Million dollar qolda», «Mentor» kitaby bar. Bul kitaptarda armandy qalai maqsatqa ainaldyrýǵa bolatyny jazylǵan. Ol oqyrmannyń senimine kirip, mimen jumys isteýdiń qanshalyqty mańyzdy ekenin aishyqtaidy. Sizderge osy kitaptardy oqýǵa keńes beremiz jáne kórermenderge avtograf qaldyryp, súiikti kitaptarymyzdy taratýǵa da daiynbyz, – dep qorytyndylady BALA laqapatymen belgili Daniiar Qulymsha.
Shyǵarylym sońynda juldyzdar «Otbasy bankiniń» bastamasy jalǵasyn tabatynyn jetkizdi. Óitkeni jaqyn kúnderi kóptiń taǵatsyz kútetin baǵdarlamasyna ainalǵan «Qarjylyq saýattylyqtyń» 3-shi bólimi jaryq kóredi. «91»-likter keri bailanysta da keri tartpaq emes. Eń belsendi kórermenge kórsetiler qurmet erekshe bolmaq. Qarjy taqyryby tóńireginde qyzyqty suraqtar qoiyp, belsendilik tanytqan
eń úzdik kórermen tikelei stýdiiaǵa joldama utyp alyp, óz saýalyn NinetyOne-men birge talqyǵa salady dep josparlanǵan.
Budan bólek, árbir oqyrmannyń erekshe chellendjge qatysyp, spikerlerdiń usynǵan kitaptar men «91»-likterdiń merchyn syiǵa alýǵa múmkindigi bar. Ol úshin Siz Belgili bir materialdyq maqsatqa jetý úshin qalai aqsha jinaǵanyńyzdy TikTok-ta bólisip, video túsirýińiz shart. Videonyń astyna #NinetyOneOtbasy heshtegi mindetti túrde qoiylýy tiis. Sonai-aq Otbasy Bank-tiń TikTok arnasyna jazylý da baiqaý talaptaryna kiredi.
Onyń nátijeleri banktiń TikTok arnasynda 2023 jyldyń 22 jeltoqsanynda saǵat 17:00-de tikelei efirde kórsetiledi. Sáttilikti ýystan shyǵaryp almańyz, oqyrman!
