Armeniia premer-ministri Nikol Pashinian bastaǵan úkimet otstavkaǵa ketti. Bul sheshim el parlamentiniń jańa shaqyrylymy jumysyn bastaýyna bailanysty qabyldandy, dep habarlaidy dalanews.kz.
Pashiniannyń málimdeýinshe, Armeniia Konstitýtsiiasyna sáikes jańadan sailanǵan Ulttyq jinalystyń alǵashqy sessiiasy ótken kúni úkimet óz ókilettigin toqtatyp, otstavkaǵa ketýge tiis.
Armeniianyń toǵyzynshy shaqyrylymdaǵy Ulttyq jinalysynyń alǵashqy otyrysy 2 tamyzda bastaldy. Osyǵan bailanysty úkimettiń otstavkasy konstitýtsiialyq rásim aiasynda júzege asyrylyp otyr.
Endi Armeniia prezidenti parlamenttik kópshilik usynǵan kandidatty premer-ministr qyzmetine taǵaiyndaidy.
