Izrail premer-ministri Biniamin Netaniahý BUU Bas Assambleiasy otyrysynda sóz sóiler aldynda zaldan ondaǵan delegatsiia ókilderi shyǵyp ketti, dep habarlaidy dalanews.kz.
Ol Izrail ózin qorǵaý arqyly delegatsiialary zaldan shyǵyp ketken kóptegen eldi de qorǵap otyrǵanyn aitty. Netaniahýdyń sózinshe, keibir elderdiń basshylary Irannyń iadrolyq nysandaryn joiǵany úshin Izrailge jeke alǵysyn bildirgen.
Premer-ministr sózinde "Hezbolla" qoldanǵan peidjerlerdi de eske aldy. Ol BUU minberine peidjer alyp shyǵyp, uiym múshelerine osy qurylǵylardy eske saldy.
Netaniahý 2023 jylǵy 7 qazandaǵy shabýyldy 2001 jylǵy 11 qyrkúiektegi AQSh-taǵy teraktilerden 16 ese aýyr bolǵanyn málimdedi.
Sondai-aq, ol Túrkiia prezidenti Rejep Taiip Erdoǵandy Izrailge qarsy pikir taratty dep aiyptap, ony "tiran" dep atady. Netaniahý Izrailge qatysty genotsid týraly aiyptaýlardy joqqa shyǵaryp, Izrail kerisinshe genotsidtiń aldyn alǵanyn málimdedi.
