يزرايل پرەمەر-مينيسترٸ بينيامين نەتانياحۋ بۇۇ باس اسسامبلەياسى وتىرىسىندا سٶز سٶيلەر الدىندا زالدان ونداعان دەلەگاتسييا ٶكٸلدەرٸ شىعىپ كەتتٸ, دەپ حابارلايدى dalanews.kz.
ول يزرايل ٶزٸن قورعاۋ ارقىلى دەلەگاتسييالارى زالدان شىعىپ كەتكەن كٶپتەگەن ەلدٸ دە قورعاپ وتىرعانىن ايتتى. نەتانياحۋدىڭ سٶزٸنشە, كەيبٸر ەلدەردٸڭ باسشىلارى يراننىڭ يادرولىق نىساندارىن جويعانى ٷشٸن يزرايلگە جەكە العىسىن بٸلدٸرگەن.
پرەمەر-مينيستر سٶزٸندە "حەزبوللا" قولدانعان پەيدجەرلەردٸ دە ەسكە الدى. ول بۇۇ مٸنبەرٸنە پەيدجەر الىپ شىعىپ, ۇيىم مٷشەلەرٸنە وسى قۇرىلعىلاردى ەسكە سالدى.
نەتانياحۋ 2023 جىلعى 7 قازانداعى شابۋىلدى 2001 جىلعى 11 قىركٷيەكتەگٸ اقش-تاعى تەراكتٸلەردەن 16 ەسە اۋىر بولعانىن مەلٸمدەدٸ.
سونداي-اق, ول تٷركييا پرەزيدەنتٸ رەجەپ تاييپ ەردوعاندى يزرايلگە قارسى پٸكٸر تاراتتى دەپ ايىپتاپ, ونى "تيران" دەپ اتادى. نەتانياحۋ يزرايلگە قاتىستى گەنوتسيد تۋرالى ايىپتاۋلاردى جوققا شىعارىپ, يزرايل كەرٸسٸنشە گەنوتسيدتٸڭ الدىن العانىن مەلٸمدەدٸ.
