Nemis kompaniialary Túrkistanǵa investitsiia salady
Kezdesýde delegatsiia basshysy Tilo Klinner germandyq kompaniialar tsifrlandyrý, elektr qýatyn óndirý, jylytý júiesi men týrizm salasynda investitsiia salýǵa nietti ekenderin jetkizdi.
Máselen, Germaniiada energetika salasynda 15 jyldan jumys istep kele jatqan «ILF Business Consult» kompaniiasynyń atqarýshy direktory Adreas Linke Túrkistan óńirinde jasyl ekonomikaǵa negizdelgen kún energiiasynan qýat óndiretin gibritti elektr stansasynyń qurylysyn júrgizip, arnaiy park qurýǵa daiyn ekendigin aitty. Al «Bosch» kásiporynnyń ókili Vladimir Kolomytsyn kompaniia jylytý júiesine qajetti qazandyqtarmen qamtamasyz etip, qalany sýmen qamtý júiesine tolyq súiemeldeý jasaitynyn jetkizdi. Sondai-aq, germandyq «Petroline» holdinginiń bas direktory Andreas Shtýmpf qoqysty qaita óńdeý men sý júiesin tazartýǵa arnalǵan jabdyqtarmen qamtamasyz etýge nietti ekendigin aitty.
Oblys ákimi delegatsiia ólkilderine alǵysyn bildirip, ekijaqty áriptestik ornaitynyn jetkizdi.
– Túrkistanda qazirgi tańda bas jospar naqtylandy, ǵasyr jobasy bastaldy. Qurylys, sýmen qamtý, jylytý júiesi men jol salasyna investitsiia salýǵa bolady. Arnaiy ekonomikalyq aimaqtar bar, sonda zaýyttaryńyzdy salýǵa bolady. Germandyq tehnologiiany álem moiyndaidy, sondyqtan áriptestik ornaidy dep oilaimyn. Bastysy, jobalar ekologiialyq taza, sapaly, baǵasy qoljetimdi bolýy kerek, – dedi Ómirzaq Estaiuly.
Túrkistan oblysy ákiminiń baspasóz qyzmeti
