QR Prezidenti Qasym-Jomart Toqaevtyń Qazaqstan halqy Assambleiasynyń HHHII sessiiasynda sóilegen sózinde sheshýdi qajet etetin ózekti máseleler kóterildi.
Assambleia mańyzdy qoǵamdyq-saiasi institýt bolyp, shynaiy demokratiialyq qaǵidattar men qundylyqtardy is júzinde júzege asyratyny jáne onyń odan ári damýy úshin zor áleýeti bar ekeni atap ótildi.
– Prezidenttiń sózderi saiasi, áleýmettik, ekonomikalyq, etnodemografiialyq, mádeni faktorlardyń jańa úilesimderi qalyptasyp, syn-qaterlerge jedel den qoiýdy talap etetin zamanaýi jaǵdaida erekshe ózekti bolyp otyr.
Osy oraida etnosaralyq qatynastar salasyndaǵy ǵylymi zertteýlerge basa nazar aýdarý qajet.
Bul jerde salmaqty ǵylymi kózqaras pen ǵylymi-saraptamalyq jumystyń praktikalyq qaitarymy qajet. Sonymen qatar, óńirlerdegi jumys tájiribesin, etnomádeni birlestikterdiń ózara árekettesý erekshelikterin, túitkildi máseleler men olardy sheshýdiń yqtimal joldaryn qarastyrý qajet, – dedi Nelli Krasnobaeva.
