Indýstriia jáne qurylys ministri Qanat Sharlapaev qyzmettik kóligin Qazaqstanda qurastyrylǵan avtokólikke aýystyrýǵa ýáde etti, - dep habarlaidy Dalanews.kz Stan.kz-ke siltep.
Jýrnalist ministrden "Nege Qazaqstanda jasalǵan kólikpen júrip, otandyq ónimdi qazaqstandyqtar arasynda jarnamalamaisyz?" dep surady.
“Shynynda, sózińizdiń jany bar. Qazaqstanda jasalǵan avtokólikke aýysý kerek. Men kóligimdi aýystyryp berýlerin suraimyn. Buǵan deiin Qazaqstanda qurastyrylǵan Elantra kóligimen júrdim, biraq qyzmetimdi aýystyrǵannan keiin ony ózgertken joqpyn. Endi men otandyq kólikke aýysamyn. Menińshe, bul suraqqa “ne berse, sonymen júremin” dep jaýap bergenim durys”, – dedi Qanat Sharlapaev.
Aita keteiik, Qazaqstanda 2024 jyldyń 9 aiynyń qorytyndysy boiynsha 82 myńnan astam jeńil avtokólik shyǵaryldy. Elimizde shaǵyn torapty qurastyrý tehnikasynyń óndirisin ulǵaitýǵa basa nazar aýdarylyp jatyr. Bul týraly Úkimet otyrysynda ónerkásip jáne qurylys ministri Qanat Sharlapaev baiandady.
Sektorda birlesken kásiporyndar qurylady, el aýmaǵynda jańa zaýyttar salýǵa óz qarajatyn salýǵa daiyn investorlar kelýde.
Máselen, CHANGAN, HAVAL, CHERY avtomobilderin shyǵaratyn zaýyttyń qurylysy aiaqtalýǵa jaqyn, onyń óndirisi tolyǵymen shaǵyn torapty qurastyrýǵa negizdelgen. Qýaty – 90 myń birlik. KIA avtomobil óndiretin zaýyttyń qurylysy júrgizilýde.
Investitsiia somasy $200 mln. $150 mln somasyna Geely, Exceed, KAIYI jeńil avtomobilderin óndirý boiynsha joba iske qosyldy.
