يندۋسترييا جەنە قۇرىلىس مينيسترٸ قانات شارلاپاەۆ قىزمەتتٸك كٶلٸگٸن قازاقستاندا قۇراستىرىلعان اۆتوكٶلٸككە اۋىستىرۋعا ۋەدە ەتتٸ, - دەپ حابارلايدى Dalanews.kz Stan.kz-كە سٸلتەپ.
جۋرناليست مينيستردەن "نەگە قازاقستاندا جاسالعان كٶلٸكپەن جٷرٸپ, وتاندىق ٶنٸمدٸ قازاقستاندىقتار اراسىندا جارنامالامايسىز?" دەپ سۇرادى.
“شىنىندا, سٶزٸڭٸزدٸڭ جانى بار. قازاقستاندا جاسالعان اۆتوكٶلٸككە اۋىسۋ كەرەك. مەن كٶلٸگٸمدٸ اۋىستىرىپ بەرۋلەرٸن سۇرايمىن. بۇعان دەيٸن قازاقستاندا قۇراستىرىلعان Elantra كٶلٸگٸمەن جٷردٸم, بٸراق قىزمەتٸمدٸ اۋىستىرعاننان كەيٸن ونى ٶزگەرتكەن جوقپىن. ەندٸ مەن وتاندىق كٶلٸككە اۋىسامىن. مەنٸڭشە, بۇل سۇراققا “نە بەرسە, سونىمەن جٷرەمٸن” دەپ جاۋاپ بەرگەنٸم دۇرىس”, – دەدٸ قانات شارلاپاەۆ.
ايتا كەتەيٸك, قازاقستاندا 2024 جىلدىڭ 9 ايىنىڭ قورىتىندىسى بويىنشا 82 مىڭنان استام جەڭٸل اۆتوكٶلٸك شىعارىلدى. ەلٸمٸزدە شاعىن توراپتى قۇراستىرۋ تەحنيكاسىنىڭ ٶندٸرٸسٸن ۇلعايتۋعا باسا نازار اۋدارىلىپ جاتىر. بۇل تۋرالى ٷكٸمەت وتىرىسىندا ٶنەركەسٸپ جەنە قۇرىلىس مينيسترٸ قانات شارلاپاەۆ باياندادى.
سەكتوردا بٸرلەسكەن كەسٸپورىندار قۇرىلادى, ەل اۋماعىندا جاڭا زاۋىتتار سالۋعا ٶز قاراجاتىن سالۋعا دايىن ينۆەستورلار كەلۋدە.
مەسەلەن, CHANGAN, HAVAL, CHERY اۆتوموبيلدەرٸن شىعاراتىن زاۋىتتىڭ قۇرىلىسى اياقتالۋعا جاقىن, ونىڭ ٶندٸرٸسٸ تولىعىمەن شاعىن توراپتى قۇراستىرۋعا نەگٸزدەلگەن. قۋاتى – 90 مىڭ بٸرلٸك. KIA اۆتوموبيل ٶندٸرەتٸن زاۋىتتىڭ قۇرىلىسى جٷرگٸزٸلۋدە.
ينۆەستيتسييا سوماسى $200 ملن. $150 ملن سوماسىنا Geely, Exceed, KAIYI جەڭٸل اۆتوموبيلدەرٸن ٶندٸرۋ بويىنشا جوبا ٸسكە قوسىلدى.
