Tailandta Rama X koroliniń úlken qyzy, hanshaiym Badjrakitiiabhanyń qaitys bolǵany habarlandy. 47 jastaǵy hanshaiym el ishinde Pa hanshaiym degen atpen de tanymal bolǵan, dep dalanews.kz tilshisi kznews.kz saityna silteme jasap habarlaidy.
Qaiǵyly habardy Koroldik biýro taratqan. BAQ málimetinshe, hanshaiym uzaq ýaqytqa sozylǵan aýrýdan keiin 11 maýsym kúni jergilikti ýaqytpen saǵat 19:48-de Chýlalongkorn koroli atyndaǵy memorialdyq aýrýhanada kóz jumǵan.
Hanshaiym Badjrakitiiabha 2022 jyldyń jeltoqsanynan beri komada jatqan. Onyń ómiri arnaiy meditsinalyq apparattardyń kómegimen saqtalyp kelgeni aityldy.
2026 jyldyń 21 mamyrynda hanshaiymnyń densaýlyǵy kúrt nasharlaǵan. Buǵan ishektiń qabynýynan paida bolǵan qursaq qýysyndaǵy infektsiia sebep bolǵany habarlandy. Sonymen qatar onyń qan qysymy tómendep, júrek soǵysy buzylyp, qan uiýynda da qalyptan tys ózgerister baiqalǵan.
Hanshaiymnyń ómirden ótýi Qazaqstan úshin de eleýli oqiǵa retinde aitylyp otyr. Sebebi Badjrakitiiabha buǵan deiin Qazaqstanǵa saparmen kelip, eki el arasyndaǵy mádeni jáne diplomatiialyq bailanysty nyǵaitýǵa úles qosqan.
Onyń eńbegi eskerilip, hanshaiym Qazaqstannyń II dárejeli «Dostyq» ordenimen marapattalǵan. Atalǵan marapat týraly jarlyqqa sol kezdegi Qazaqstan prezidenti Nursultan Nazarbaev qol qoiǵan.
