Memlekettik kirister komiteti jariialaǵan iri kedendik boryshkerler tizimine burynǵy prezident Nursultan Nazarbaevtyń otbasymen ár jyldary bailanysy bolǵan birneshe kompaniia endi. Olardyń tólemder men ósimpuldar boiynsha jalpy bereshegi 30 milliard teńgeden asady, dep habarlaidy dalanews.kz fbrk.kz-ke siltep.
MKK jariialaǵan tizimge jalpy bereshegi shamamen 114 milliard teńge bolatyn 1,5 myńǵa jýyq zańdy tulǵa engizilgen. BES.media málimetinshe, qaryzdyń 80 paiyzdan astamy eń iri 10 kompaniiaǵa tiesili.
Eń kóp qaryzy bar kompaniia - AsiaDistillery JShS. Onyń bereshegi - shamamen 56,6 milliard teńge. Kompaniia alkogol ónimderin shyǵarady jáne Túrkistan oblysy Tashqulaq aýylyndaǵy sharap zaýytyna ielik etedi. Kásiporyn 2019 jylǵa deiin "Tashqulaq i K" JShS ataýymen jumys istegen. Keiin ataýyn ózgertip, armeniialyq Bagdat Group kompaniiasynyń basqarýyna ótken. 2026 jylǵy maýsymnyń basynda zaýyt aýktsionǵa shyǵarylǵanymen, satylmaǵan.
Ekinshi, úshinshi jáne tórtinshi oryndardy ár jyldary Nursultan Nazarbaevtyń týystarymen bailanysy bolǵan kompaniialar ielengen. Olardyń jiyntyq bereshegi 30 milliard teńgeden asady.
Olardyń ishinde Ai-To Progress JShS-niń qaryzy - 20,48 milliard teńge. Group of the Companies TDA JShS 6,55 milliard teńge, al GB Invest JShS 3,15 milliard teńge bereshek.
Tizimge Bek Air áýe kompaniiasy da engizilgen. Onyń keden aldyndaǵy bereshegi - 273,12 million teńge. Kompaniia Almaty mańynda Fokker 100 ushaǵy apatqa ushyraǵannan keiin qyzmetin toqtatqan. 2019 jyly tasymaldaýshynyń paidalanýshy sertifikatynyń kúshi joiylyp, 2020 jyly áýe parkiniń sertifikattary qaitaryp alynǵan bolatyn.
Tizimde "Farmaktiv" JShS da bar. Kompaniianyń bereshegi - 923,06 million teńge. Ol meditsinalyq ónimderdi óndirýmen jáne satýmen ainalysady.
Budan bólek, iri boryshkerler qatarynda mynalar bar:
- Astana MPR Project JShS - 1,57 milliard teńge.
- "Medet-Holding" JShS - 410,1 million teńge.
- "Raiana" saýyqtyrý ortalyǵy JShS - 95,7 million teńge. Kompaniia asa iri kólemdegi alaiaqtyq isi boiynsha sottalǵan kásipker Qalelhan Imanmádige qatysty qylmystyq iste atalǵan.
- Jambyl Et MS JShS - 223,1 million teńge.
- Qazaqstandaǵy "SPIK Akkord" AAQ filialy - 400,8 million teńge.
