Álginde ǵana áleýmettik jelide "Ǵylym akademiiasy KVI-men aýyrǵan Tuńǵysh prezidenttiń qanynan koronavirýsqa qarsy vaktsina ázirleidi" degen qańqý áńgime taraǵan.
Aqparat ministrligi muny feik dep atap, jalǵan aqparatqa senbeýge shaqyrdy.
"Áleýmettik jelide Nazarbaevtyń qany negizinde KVI-ge qarsy vaktsina jasalady degen qaýesettiń shyndyqqa sáikes kelmeitinin habarlaimyz.
Tiisti organdar atalǵan aqpardyń Qazaqstan zańnamasyna qanshalyqty qaishy keletinin anyqtap, budan bylai mundaiǵa jol bermeýdiń amal-ádisin qarastyrady.
Azamattardy áleýmettik jeli men internettegi alypqashpa áńgimege aldanbaýǵa jáne tek resmi aqparatqa ǵana senýge shaqyramyz. Jalǵan málimet taratqan azamattar Qylmystyq kodekstiń 274 babyna sai qylmystyq jaýapkershilikke tartylatynyn eskertemiz", – delingen ministrlik málimdemesinde.
Aita ketelik, keshe Nazarbaevtyń koronavirýstan tolyq jazylyp shyqqany belgili boldy. KVI testti qaitara tapsyrǵan Elbasydan koronavirýs anyqtalǵan joq. Elbasy elge ún qatyp, jaǵdaiynyń jaqsy ekenin habarlady.
