Qazaqstannyń tuńǵysh prezidenti Nursultan Nazarbaev Máskeýge bardy. Sarapshylar bul sapardyń astarynda ne jatqanyn sarapqa saldy, – dep habarlaidy Dalanews.kz.
Energy Monitor qoǵamdyq qorynyń direktory, sarapshy Nurlan Jumaǵulovtyń pikirinshe, bul - Kremldiń Qazaqstannyń qazirgi biligine jasaǵan qysymy.
"Aldaǵy 1–2 aptada Qazaqstan AES-ke qatysty vendordy anyqtaýǵa tiis. Buǵan deiin basty úmitker "RosAtom" bolǵan, biraq onyń qarjylandyrý máselesinde qiyndyqtar bar. Al Qazaqstan AES-tiń qarjylandyrylýyna respýblikalyq biýdjetten, BJZQ nemese Ulttyq qordan qarajat bólinbeitinin málimdedi", - deidi maman.
Sarapshynyń sózinshe, Resei úsh jańa kómir elektr stantsiiasyn qarjylandyrýǵa tiis bolatyn, eki jylǵa jýyq ýaqyt ótse de, áli tynyshtyq.
"Osy jobalar úshin memleketaralyq kelisim jobasy daiyndalǵan edi, biraq bul jerde de qarjylandyrý máseleleri týyndady. Resei Ekibastuz GRES-3-ti keńeitýge qatysýy kerek edi. Bizdiń tarap ne istedi? Ashyq tender jariialady. Resei tarapynan usynys bolmady, sol sebepti tender ótpei qaldy.
Qazirgi qatań ustanym Kremlge unamai otyr. Áitpese basqasha qalai túsindirýge bolady?Jeke pikirim: AES-ti qytailar salady. Iá, RosAtom arzan bolýy múmkin, biraq sanktsiialyq máseleler úlken kúmán týdyrady", - dedi ol.
Aita keteiik, Pýtin men Nazarbaevtyń kezdesýiniń naqty qandai másele boiynsha ótkeni ázirge habarlanǵan joq.
Olar buǵan deiin 2024 jyly jeltoqsanda Máskeý túbindegi Novo-Ogariovoda júzdesken bolatyn.
