قازاقستاننىڭ تۇڭعىش پرەزيدەنتٸ نۇرسۇلتان نازارباەۆ مەسكەۋگە باردى. ساراپشىلار بۇل ساپاردىڭ استارىندا نە جاتقانىن ساراپقا سالدى, – دەپ حابارلايدى Dalanews.kz.
Energy Monitor قوعامدىق قورىنىڭ ديرەكتورى, ساراپشى نۇرلان جۇماعۇلوۆتىڭ پٸكٸرٸنشە, بۇل - كرەملدٸڭ قازاقستاننىڭ قازٸرگٸ بيلٸگٸنە جاساعان قىسىمى.
"الداعى 1–2 اپتادا قازاقستان اەس-كە قاتىستى ۆەندوردى انىقتاۋعا تيٸس. بۇعان دەيٸن باستى ٷمٸتكەر "روساتوم" بولعان, بٸراق ونىڭ قارجىلاندىرۋ مەسەلەسٸندە قيىندىقتار بار. ال قازاقستان اەس-تٸڭ قارجىلاندىرىلۋىنا رەسپۋبليكالىق بيۋدجەتتەن, بجزق نەمەسە ۇلتتىق قوردان قاراجات بٶلٸنبەيتٸنٸن مەلٸمدەدٸ", - دەيدٸ مامان.
ساراپشىنىڭ سٶزٸنشە, رەسەي ٷش جاڭا كٶمٸر ەلەكتر ستانتسيياسىن قارجىلاندىرۋعا تيٸس بولاتىن, ەكٸ جىلعا جۋىق ۋاقىت ٶتسە دە, ەلٸ تىنىشتىق.
"وسى جوبالار ٷشٸن مەملەكەتارالىق كەلٸسٸم جوباسى دايىندالعان ەدٸ, بٸراق بۇل جەردە دە قارجىلاندىرۋ مەسەلەلەرٸ تۋىندادى. رەسەي ەكٸباستۇز گرەس-3-تٸ كەڭەيتۋگە قاتىسۋى كەرەك ەدٸ. بٸزدٸڭ تاراپ نە ٸستەدٸ? اشىق تەندەر جارييالادى. رەسەي تاراپىنان ۇسىنىس بولمادى, سول سەبەپتٸ تەندەر ٶتپەي قالدى.
قازٸرگٸ قاتاڭ ۇستانىم كرەملگە ۇناماي وتىر. ەيتپەسە باسقاشا قالاي تٷسٸندٸرۋگە بولادى?جەكە پٸكٸرٸم: اەس-تٸ قىتايلار سالادى. يە, روساتوم ارزان بولۋى مٷمكٸن, بٸراق سانكتسييالىق مەسەلەلەر ٷلكەن كٷمەن تۋدىرادى", - دەدٸ ول.
ايتا كەتەيٸك, پۋتين مەن نازارباەۆتىڭ كەزدەسۋٸنٸڭ ناقتى قانداي مەسەلە بويىنشا ٶتكەنٸ ەزٸرگە حابارلانعان جوق.
ولار بۇعان دەيٸن 2024 جىلى جەلتوقساندا مەسكەۋ تٷبٸندەگٸ نوۆو-وگاريوۆودا جٷزدەسكەن بولاتىن.
