Aitýynsha, Qazaqstandy alda úlken syn kútip tur. Álemdik geosaiasi ahýal Qazaqstanǵa da áser etpei qoimaidy. Aýyrtpalyqtyń negizgi júgi Prezidentke túspek. Nazarbaev Qazaqstandy qiyndyqtan qutqaratyn jalǵyz adam. Alaida onyń ainalasyna qatysty kúdik te, kúmán de kóp. Aisultan osyny aitypty.
"Iá, Prezidenttiń janynda júrgen azamattardyń kópshiligi bilikti, bilimdi. Biraq, óz mindetin atqara almai júrgen ári juldyz aýrýyna shaldyqqandary bar. Olar bul aýrýdan aiyqpaidy. Osy ketkeni ketken. Soraqysy, bular eldi oilamaidy. Bular ózin oilaidy. Jeke basyn oilaidy. Soǵan sai áreket etedi.
Bular aiyqpas aýrýǵa shaldyqqan dep aittym. Al aýrý adam memlekettik deńgeidegi máseleni sheshe almaidy. Aityńyzshy, erteń bel sheship iske kirisetin kezeń kelgende bular atama qandai kómek kórsetedi?
Kórip otyrmyz. Másimov atamnyń ainalasyn jemqorlar men jaǵympazdardan tazartyp jatyr.
Kezinde "halyq jaýy" degen boldy. Osy sózdi qaita "tiriltý" kerek. Halyqtyń qarjysyn jep ábden toiynǵan sheneýnikterdi osylai ataý kerek. Bular bir-birine ziian keltirmeidi. Kesirin halyq kórip jatyr.
Men atamdy jaqsy bilemin. Másimov atamnyń ainalasyn aram adamdardan tolyqtai tazartpaiynsha toqtamaidy, tynbaidy.
Maqsat anyq. Ury-qarylardy qamaý.
Memlekettiń adal qyzmetkerleri qoryqpasyn. Adaldyń aldy da, arty da taza. Al urynyń arty qýys.
Ulttyq bank tóraǵasy Aqyshev pen Prezident ákimshiliginiń jetekshisi Jaqsybekov oryntaǵyn saqtap qala ma? Maǵan osy qyzyq. Ainalyp kelgende olardyń qaramaǵyndaǵylar jemqorlyqpen ustaldy, memlekettik deńgeidegi qylmys jasady. Men bulardy jaqsy bilemin (Aqyshev pen Jaqsybekovty aityp otyr). Olardyń syrtynan áldene búldirip júrýge qolastyndaǵylardyń dáti jetpeýshi edi...
Tekserý Ótemuratov pen Tasmaǵambetovtyń de betperdesin ashady. Alaida bul onsyz da anyq jait. Halyqtan surańyz. "Bular bizdiń tonap boldy" deidi el. Abyroi bolǵanda mundai abyroisyzdar bizdiń bilikte asa kóp emes. "Bir qumalaq bir qaryn maidy shiritedi" deidi biraq.
"Aǵashkalardyń" táýiri aiaqtalýǵa taqaý. Qazaqstan bizdiń kóz aldymyzda ózgerip jatyr. Osy kezeńde UQK-nyń jańa tóraǵasy Másimovtyń róli men orny arta túsedi" dep jazypty Nazarbaevtyń nemeresi.
Sóziniń sońynda Aisultan Qazaqstannyń bolashaǵy baiandy bolaryna, jemqorlar dáýiriniń kelmeske keterine senim bildiripti.
Aýdarǵan, Dýman Byqai
