ايتۋىنشا, قازاقستاندى الدا ٷلكەن سىن كٷتٸپ تۇر. ەلەمدٸك گەوساياسي احۋال قازاقستانعا دا ەسەر ەتپەي قويمايدى. اۋىرتپالىقتىڭ نەگٸزگٸ جٷگٸ پرەزيدەنتكە تٷسپەك. نازارباەۆ قازاقستاندى قيىندىقتان قۇتقاراتىن جالعىز ادام. الايدا ونىڭ اينالاسىنا قاتىستى كٷدٸك تە, كٷمەن دە كٶپ. ايسۇلتان وسىنى ايتىپتى.
"يە, پرەزيدەنتتٸڭ جانىندا جٷرگەن ازاماتتاردىڭ كٶپشٸلٸگٸ بٸلٸكتٸ, بٸلٸمدٸ. بٸراق, ٶز مٸندەتٸن اتقارا الماي جٷرگەن ەرٸ جۇلدىز اۋرۋىنا شالدىققاندارى بار. ولار بۇل اۋرۋدان ايىقپايدى. وسى كەتكەنٸ كەتكەن. سوراقىسى, بۇلار ەلدٸ ويلامايدى. بۇلار ٶزٸن ويلايدى. جەكە باسىن ويلايدى. سوعان ساي ەرەكەت ەتەدٸ.
بۇلار ايىقپاس اۋرۋعا شالدىققان دەپ ايتتىم. ال اۋرۋ ادام مەملەكەتتٸك دەڭگەيدەگٸ مەسەلەنٸ شەشە المايدى. ايتىڭىزشى, ەرتەڭ بەل شەشٸپ ٸسكە كٸرٸسەتٸن كەزەڭ كەلگەندە بۇلار اتاما قانداي كٶمەك كٶرسەتەدٸ?
كٶرٸپ وتىرمىز. مەسٸموۆ اتامنىڭ اينالاسىن جەمقورلار مەن جاعىمپازداردان تازارتىپ جاتىر.
كەزٸندە "حالىق جاۋى" دەگەن بولدى. وسى سٶزدٸ قايتا "تٸرٸلتۋ" كەرەك. حالىقتىڭ قارجىسىن جەپ ەبدەن تويىنعان شەنەۋنٸكتەردٸ وسىلاي اتاۋ كەرەك. بۇلار بٸر-بٸرٸنە زييان كەلتٸرمەيدٸ. كەسٸرٸن حالىق كٶرٸپ جاتىر.
مەن اتامدى جاقسى بٸلەمٸن. مەسٸموۆ اتامنىڭ اينالاسىن ارام ادامداردان تولىقتاي تازارتپايىنشا توقتامايدى, تىنبايدى.
ماقسات انىق. ۇرى-قارىلاردى قاماۋ.
مەملەكەتتٸڭ ادال قىزمەتكەرلەرٸ قورىقپاسىن. ادالدىڭ الدى دا, ارتى دا تازا. ال ۇرىنىڭ ارتى قۋىس.
ۇلتتىق بانك تٶراعاسى اقىشەۆ پەن پرەزيدەنت ەكٸمشٸلٸگٸنٸڭ جەتەكشٸسٸ جاقسىبەكوۆ ورىنتاعىن ساقتاپ قالا ما? ماعان وسى قىزىق. اينالىپ كەلگەندە ولاردىڭ قاراماعىنداعىلار جەمقورلىقپەن ۇستالدى, مەملەكەتتٸك دەڭگەيدەگٸ قىلمىس جاسادى. مەن بۇلاردى جاقسى بٸلەمٸن (اقىشەۆ پەن جاقسىبەكوۆتى ايتىپ وتىر). ولاردىڭ سىرتىنان ەلدەنە بٷلدٸرٸپ جٷرۋگە قولاستىنداعىلاردىڭ دەتٸ جەتپەۋشٸ ەدٸ...
تەكسەرۋ ٶتەمۇراتوۆ پەن تاسماعامبەتوۆتىڭ دە بەتپەردەسٸن اشادى. الايدا بۇل ونسىز دا انىق جايت. حالىقتان سۇراڭىز. "بۇلار بٸزدٸڭ توناپ بولدى" دەيدٸ ەل. ابىروي بولعاندا مۇنداي ابىرويسىزدار بٸزدٸڭ بيلٸكتە اسا كٶپ ەمەس. "بٸر قۇمالاق بٸر قارىن مايدى شٸرٸتەدٸ" دەيدٸ بٸراق.
"اعاشكالاردىڭ" تەۋٸرٸ اياقتالۋعا تاقاۋ. قازاقستان بٸزدٸڭ كٶز الدىمىزدا ٶزگەرٸپ جاتىر. وسى كەزەڭدە ۇقك-نىڭ جاڭا تٶراعاسى مەسٸموۆتىڭ رٶلٸ مەن ورنى ارتا تٷسەدٸ" دەپ جازىپتى نازارباەۆتىڭ نەمەرەسٸ.
سٶزٸنٸڭ سوڭىندا ايسۇلتان قازاقستاننىڭ بولاشاعى باياندى بولارىنا, جەمقورلار دەۋٸرٸنٸڭ كەلمەسكە كەتەرٸنە سەنٸم بٸلدٸرٸپتٸ.
اۋدارعان, دۋمان بىقاي
