Sybailas jemqorlyqqa qarsy is-qimyl agenttigi Antikordyń Aqtóbe oblysy boiynsha burynǵy basshysy Nurlan Shabdarbaevtyń 2,4 milliard turatyn villasyn satýyna qatysty pikir bildirdi, - dep habarlaidy Dalanews.kz.
Sybailas jemqorlyqqa qarsy is-qimyl agenttigi tóraǵasynyń birinshi orynbasary Ulan Sarqulovtyń sózinshe, Antikordaǵylar Shabdarbaevtyń qymbat villasy týraly aqparattan habardar.
"Antikordaǵy tiisti bólimshe osy máselemen ainalysyp jatyr. Eger ol resmi tirkelgen múlik bolsa, onyń menshik quqyǵy baryn eskerýimiz kerek. Biraq bul másele qaralady. Úidiń iesi kim ekeni, ol qandai qyzmet atqarǵany quqyqtyq baǵa berýge kedergi bolmaidy", - deidi Sarqulov Májilis kýlýarynda.
Buǵan deiin Nurlan Shabdarbaevtyń 2,4 milliard bolatyn villasy týraly tolyq jazǵan edik.
Nurlan Shabdarbaev - Qaskeleńniń týmasy, birneshe ret laýazymdy qyzmet atqarǵan, prezidenttiń kúzet qyzmetin basqarǵan, UQK tóraǵasy bolǵan Amangeldi Shabdarbaevtyń uly.
10 bólmeli páterdiń jalpy aýmaǵy 1103,8 sharshy metr. Dostyq pen Ospanov kóshesiniń qiylysynda ornalasqan záýlim úi 22,63 sotyq jerdi alyp otyr.
Záýlim saraidai villada jeke kúzet qyzmeti bar. Shabdarbaevtardyń úiiniń birinshi qabatynda as úii, kabinet, birneshe jatyn bólme,monsha, bassein men qyzmettik bólmeler bar.
Al ekinshi qabatynda jatyn bólmeler, balalar bólmesi men tapchan bólmesi bar.
Úidiń aimaǵynda da landshaft dizaineri jumys istegeni jáne jeke baǵbany bar ekeni kórinip tur.
Bir qyzyǵy úidiń jarnamasynda kórshiler meiirimdi jáne aýqatty ekeni jazylǵan. Bulai jazylýy beker emes. Sebebi satylymdaǵy úige jaqyn jerde Nursultan Nazarbaev turatyn kórinedi.
Aita keteiik, qazirgi tańda villanyń jarnamasy úi satý jáne satyp alýǵa arnalǵan tanymal saittan alynyp tastalǵan.
Úi iesi Nurlan Shabdar da bir kezderi kúshtik qurylymdarda jumys istegen. Al sońǵy atqarǵan qyzmeti - Aqtóbe oblysy boiynsha Sybailas jemqorlyqqa qarsy is-qimyl agenttiginiń basshysy. Al qazir bul qyzmetti Esqali Salamatov atqarady. Qazirgi tańda Shabdarovtyń nemen ainalysyp júrgeni belgisiz.
