سىبايلاس جەمقورلىققا قارسى ءىس-قيمىل اگەنتتىگى انتيكوردىڭ اقتوبە وبلىسى بويىنشا بۇرىنعى باسشىسى نۇرلان شابداربايەۆتىڭ 2،4 ميلليارد تۇراتىن ۆيللاسىن ساتۋىنا قاتىستى پىكىر ءبىلدىردى، - دەپ حابارلايدى Dalanews.kz.
سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى ۇلان سارقۇلوۆتىڭ سوزىنشە، انتيكورداعىلار شابداربايەۆتىڭ قىمبات ۆيللاسى تۋرالى اقپاراتتان حاباردار.
"انتيكورداعى ءتيىستى بولىمشە وسى ماسەلەمەن اينالىسىپ جاتىر. ەگەر ول رەسمي تىركەلگەن مۇلىك بولسا، ونىڭ مەنشىك قۇقىعى بارىن ەسكەرۋىمىز كەرەك. ءبىراق بۇل ماسەلە قارالادى. ءۇيدىڭ يەسى كىم ەكەنى، ول قانداي قىزمەت اتقارعانى قۇقىقتىق باعا بەرۋگە كەدەرگى بولمايدى"، - دەيدى سارقۇلوۆ ءماجىلىس كۋلۋارىندا.
بۇعان دەيىن نۇرلان شابداربايەۆتىڭ 2،4 ميلليارد بولاتىن ۆيللاسى تۋرالى تولىق جازعان ەدىك.
نۇرلان شابداربايەۆ - قاسكەلەڭنىڭ تۋماسى، بىرنەشە رەت لاۋازىمدى قىزمەت اتقارعان، پرەزيدەنتتىڭ كۇزەت قىزمەتىن باسقارعان، ۇقك ءتوراعاسى بولعان امانگەلدى شابداربايەۆتىڭ ۇلى.
10 بولمەلى پاتەردىڭ جالپى اۋماعى 1103،8 شارشى مەتر. دوستىق پەن وسپانوۆ كوشەسىنىڭ قيىلىسىندا ورنالاسقان ءزاۋلىم ءۇي 22،63 سوتىق جەردى الىپ وتىر.
ءزاۋلىم سارايداي ۆيللادا جەكە كۇزەت قىزمەتى بار. شابداربايەۆتاردىڭ ءۇيىنىڭ ءبىرىنشى قاباتىندا اس ءۇيى، كابينەت، بىرنەشە جاتىن بولمە،مونشا، باسسەين مەن قىزمەتتىك بولمەلەر بار.
ال ەكىنشى قاباتىندا جاتىن بولمەلەر، بالالار بولمەسى مەن تاپچان بولمەسى بار.
ءۇيدىڭ ايماعىندا دا لاندشافت ديزاينەرى جۇمىس ىستەگەنى جانە جەكە باعبانى بار ەكەنى كورىنىپ تۇر.
ءبىر قىزىعى ءۇيدىڭ جارناماسىندا كورشىلەر مەيىرىمدى جانە اۋقاتتى ەكەنى جازىلعان. بۇلاي جازىلۋى بەكەر ەمەس. سەبەبى ساتىلىمداعى ۇيگە جاقىن جەردە نۇرسۇلتان نازاربايەۆ تۇراتىن كورىنەدى.
ايتا كەتەيىك، قازىرگى تاڭدا ۆيللانىڭ جارناماسى ءۇي ساتۋ جانە ساتىپ الۋعا ارنالعان تانىمال سايتتان الىنىپ تاستالعان.
ءۇي يەسى نۇرلان شابدار دا ءبىر كەزدەرى كۇشتىك قۇرىلىمداردا جۇمىس ىستەگەن. ال سوڭعى اتقارعان قىزمەتى - اقتوبە وبلىسى بويىنشا سىبايلاس جەمقورلىققا قارسى ءىس-قيمىل اگەنتتىگىنىڭ باسشىسى. ال ءقازىر بۇل قىزمەتتى ەسقالي سالاماتوۆ اتقارادى. قازىرگى تاڭدا شابداروۆتىڭ نەمەن اينالىسىپ جۇرگەنى بەلگىسىز.
